ఐఫోన్ కొత్తది కొంటున్నారా.. ఐతే iPhone 16 కొనుక్కోవచ్చుగా?

Apple సెప్టెంబరు 9, 2024న ఎంతో ఆసక్తిగా ఎదురుచూస్తున్న ‘ఇట్స్ గ్లోటైమ్’ ఈవెంట్ కోసం సిద్ధమవుతోంది. టెక్ దిగ్గజం సెప్టెంబర్ ఈవెంట్‌ ద్వారా కొత్త ఫ్లాగ్‌షిప్ ఆవిష్కరణలను చేస్తుంది. గతంలో లాంచ్ సమయంలో అనేక కొత్త మోడల్స్ ఆవిష్కరించేది. కానీ ఇప్పుడు వాటన్నింటినీ సంస్థ పక్కనబెట్టింది. Macs, హై-ఎండ్ ఐప్యాడ్‌లు కొత్త మోడల్స్ ఈ ఏడాది అక్టోబర్ లేదా నవంబర్‌లో విడుదలవ్వొచ్చు. ఈ ఏడాది కూడా అలాగే జరిగే అవకాశం ఉంది. కొత్త ఐఫోన్‌లు, యాపిల్ వాచ్‌లు దాదాపుగా సిద్ధమయ్యాయి. సెప్టెంబర్ 9, సోమవారం జరిగే ఈవెంట్‌ అనేక ఊహాగానాలు వ్యక్తమవుతున్నాయి.

Apple ‘It’s Glowtime’ ఈవెంట్‌ను ఎప్పుడు, ఎక్కడ?

Apple ‘It’s Glowtime’ ఈవెంట్ USAలో సెప్టెంబర్ 9, సోమవారం ఉదయం 10 PT / 1 pm ETకి షెడ్యూల్ చేశారు. భారతదేశంలో, అభిమానులు, సెప్టెంబర్ 9న రాత్రి 10:30 IST నుండి Apple 2024 ఈవెంట్ ప్రత్యక్ష ప్రసారాన్ని వీక్షించవచ్చు.

Apple ‘It’s Glowtime’ ఈవెంట్‌ని ఎలా చూడాలి?

Apple అధికారిక వెబ్‌సైట్, YouTube ఛానెల్, Apple TV యాప్ ద్వారా ఈవెంట్‌ను ప్రత్యక్షంగా వీక్షించవచ్చు. యాపిల్ ప్రపంచ ప్రేక్షకుల కోసం మొత్తం ప్రెజెంటేషన్‌ను ఆన్‌లైన్‌లో లైవ్ ప్రసారం చేస్తుంది.

సెప్టెంబర్ 9 ఈవెంట్‌ ఎక్కడ?

ఆపిల్ కాలిఫోర్నియాలోని కుపెర్టినోలోని ప్రధాన కార్యాలయంలోని ఐకానిక్ స్టీవ్ జాబ్స్ థియేటర్‌లో ఈవెంట్‌ నిర్వహిస్తారు. ఈ వేదిక Apple ప్రధాన లాంచ్‌లకు నిలయంగా ఉంది. కొత్త ప్రయోగాలకు ఇది కేంద్ర బిందువు.

ఆపిల్ కొత్త ఐఫోన్‌ను విడుదల చేస్తుందా?

ఐఫోన్ 16 సిరీస్ ఈవెంట్‌లో హైలైట్‌గా ఉంటుందని భావిస్తున్నారు. కెమెరా టెక్నాలజీ, ప్రాసెసింగ్ పవర్, డిస్‌ప్లే ఫీచర్‌లకు ఊహించిన అప్‌గ్రేడ్‌లతో ఆపిల్ నాలుగు కొత్త ఐఫోన్ మోడళ్లను లాంచ్ చేసే అవకాశం ఉంది.

ఆపిల్ వాచ్ సమాచారం ఏంటి?

Apple Apple Watch Series 10ని కూడా వెల్లడి చేసే అవకాశం ఉంది. పెద్ద స్క్రీన్ తో విడుదల చేయొచ్చు. సన్నని డిజైన్, సూపిరియర్ క్వాలిటీ కలిగి ఉండొచ్చు. హెల్త్ కోసం వాచెస్ వినియోగించే వారి కోసం మరిన్ని ఆరోగ్యపరమైన టిప్స్ ఉంటాయని తెలుస్తోంది.

AirPods లైనప్‌ ఉంటుందా?

ఆపిల్ నాల్గో తరం ఎయిర్‌పాడ్‌లను ప్రకటించాలని చూస్తోంది. మెరుగైన ఆడియో నాణ్యత, మెరుగైన నాయిస్ క్యాన్సిలేషన్, USB-C పోర్ట్‌ ఉండొచ్చు. మొదటి సారి, యాక్టివ్ నాయిస్ క్యాన్సిలేషన్ ఎయిర్ పాడ్ ధర తగ్గించవచ్చు.

Apple ‘It’s Glowtime’ ఈవెంట్‌లో ఏ సాఫ్ట్‌వేర్ అప్‌డేట్‌లు చెప్పే అవకాశం ఉంది?

ఈ ఈవెంట్‌లో iOS 18 విడుదల తేదీని ఆపిల్ ప్రకటించాలని భావిస్తోంది. కొద్దిసేపట్లో ఈ ప్రకటన రానుంది. అదనంగా, iPadOS 18, watchOS 11, tvOS 18 కోసం అప్‌డేట్‌లు ఉండొచ్చు.

సెప్టెంబర్ 9న Apple ద్వారా కొత్త యాక్సెసరీస్‌ని విడుదల చేస్తారా?

Apple సంప్రదాయం ప్రకారం, తాజా రంగులు, డిజైన్‌లతో కొత్త iPhone కేసులు, Apple Watch బ్యాండ్‌లు లాంచ్ చేయొచ్చు. ఈవెంట్ జరిగిన వెంటనే ఈ ఉపకరణాలు కొనుగోలు చేయడానికి అందుబాటులో ఉంచారు.

2024లో మరో Apple ఈవెంట్ ఉంటుందా?

Apple సాధారణంగా Mac, iPad కొత్త ఆవిష్కరణలకు సంబంధించి అక్టోబర్‌లో మరొక ఈవెంట్‌ను నిర్వహిస్తుంది. అయితే, ఈ సంవత్సరం మేలో జరిగిన ఐప్యాడ్ ఈవెంట్ కారణంగా, తదుపరి ఐప్యాడ్ ప్రకటనలు ఉంటాయో లేదా అన్నది తేలాల్సి ఉంది.

కొత్త ఐ ఫోన్ ఎప్పుడు కొనొచ్చు

సెప్టెంబర్ 9న జరిగే ‘ఇట్స్ గ్లోటైమ్’ ఈవెంట్‌లో Apple కొత్త ఆవిష్కరణల కోసం ప్రపంచ వ్యాప్తంగా అభిమానులు వేచి చూస్తున్నారు. iPhone 16, Apple Watch Series 10, మరిన్ని అంచనాలున్నాయి. కొత్త ఫోన్ మార్కెట్‌లో లాంచ్ చేసిన వెంటనే విడుదల చేసేందుకు కంపెనీ ఏర్పాట్లు చేస్తోంది. ఐతే ఫోన్లు మాత్రం సెప్టెంబర్ 20 నుంచి ఆపిల్ స్టోర్స్‌లో లభిస్తాయి. Apple Hub ప్రకారం, iPhone 16 ప్రారంభ ధర $799 (సుమారు రూ. 66,300)గా అంచనా వేస్తున్నారు. ఐఫోన్ 16 ప్లస్ $899 (సుమారు రూ. 74,600) వద్ద ప్రారంభం కావచ్చు. ప్రో మోడల్‌ల కోసం, iPhone 16 Pro ధర $1,099 (సుమారు రూ. 91,200) ఉండవచ్చు, అయితే iPhone 16 Pro Max $1,199 (సుమారు రూ. 99,500) నుండి ప్రారంభమవుతుంది. ఈ ధరలు లీక్ అయిన సమాచారం ఆధారంగా తెలుస్తున్నాయి.