కోల్‌కతా హత్యాచారం ఘటన తర్వాత ఏపీలో షాకింగ్ ఇన్సిడెంట్
మహిళ డాక్టర్‌పై పేషంట్ దాడి
జుట్టు పట్టుకొని, మంచానికి కొట్టిన దుండగుడు
తిరుపతిలోని స్విమ్స్‌ ఘటనతో అలజడి
డ్యూటీలో ఉన్న వైద్యుల భద్రతపై మరోసారి చర్చ
కోల్‌కతాలోని ఆర్‌జి కర్ మెడికల్ కాలేజ్, హాస్పిటల్‌లో అత్యాచారం, హత్య నేపథ్యంలో వైద్యుల భద్రతకు భరోసా ఇవ్వాలంటూ దేశవ్యాప్తంగా ఆందోళనలు కొనసాగిస్తున్నారు. ఈ నేపథ్యంలో, తిరుపతిలోని ఆసుపత్రిలో మహిళా జూనియర్ డాక్టర్‌పై ఓ రోగి దాడి చేశాడు. శ్రీ వెంకటేశ్వర ఇనిస్టిట్యూట్ ఆఫ్ మెడికల్ సైన్సెస్ (SVIMS)లో జరిగిన ఈ ఘటన ఆస్పత్రిలోని సీసీటీవీ కెమెరాలో రికార్డైంది. సీసీటీవీ ఫుటేజీలో దాడి చేసిన వ్యక్తి డాక్టర్‌ను ఆమె జుట్టు పట్టుకుని, తలను హాస్పిటల్ బెడ్‌లోని స్టీల్ ఫ్రేమ్‌పై కొట్టినట్లు చూపిస్తుంది. వార్డులోని ఇతర వైద్యులు వెంటనే తమ సహోద్యోగిని రక్షించారు.
ఎస్వీఐఎంఎస్ డైరెక్టర్ కమ్ వైస్ ఛాన్సలర్ డాక్టర్ ఆర్వీ కుమార్‌కు రాసిన లేఖలో బాధితురాలు బాధను వెల్లడించారు. శనివారం అత్యవసర వైద్య విభాగంలో విధులు నిర్వహిస్తున్న సమయంలో ఘటన జరిగిందన్నారు. . ” పేషెంట్ బంగారు రాజు నాపై అనూహ్యంగా దాడి చేసాడు. నా వెనుక నుండి వచ్చి, నా జుట్టును లాగి, మంచం స్టీల్ రాడ్‌కు నా తలను బలవంతంగా కొట్టడం ప్రారంభించాడు,” అని ఆమె ఫిర్యాదులో పేర్కొంది. ఆ సమయంలో ఆమెకు సహాయం చేసేందుకు ఎవరూ లేకపోవడం విశేషం. ఈ ఘటన ఆస్పత్రిలో భద్రతపై తీవ్ర ఆందోళన కలిగిస్తోందని ఆమె అన్నారు. “రోగి వద్ద పదునైన ఆయుధాలుంటే పరిస్థితేంటన్న ఆందోళనలో ఆమె ఉన్నారు. పరిస్థితి తీవ్రమవుతోంది. ” అని డాక్టర్ లేఖలో ఆవేదన వ్యక్తం చేశారు. ఈ సంఘటన తర్వాత, ఆసుపత్రి వైద్యులు భద్రత కల్పించాలని డిమాండ్ చేస్తూ నిరసన చేపట్టారు.
కోల్‌కతాలో పోస్ట్‌గ్రాడ్యుయేట్ ట్రైనీ డాక్టర్‌పై అత్యాచారం, హత్య జరిగిన తర్వాత ఆంధ్రా ఆసుపత్రిలో ఈ సంఘటన జరిగింది. ఈ నేపథ్యంలో వైద్యుల రక్షణ కోసం చర్యలు తీసుకోవాలని దేశ వ్యాప్తంగా వైద్యులు వీధుల్లోకి వచ్చి ఆందోళనలు చేపట్టారు. సుప్రీంకోర్టు 10 మంది సభ్యులతో కూడిన నేషనల్ టాస్క్ ఫోర్స్‌ను ఏర్పాటు చేసింది. వైద్యులపై హింసను నిరోధించడానికి, సంరక్షించడం, పని పరిస్థితులను నిర్ధారించడానికి చర్యలను సిఫార్సు చేసింది. లింగ-ఆధారిత హింసను నిరోధించడానికి, వైద్యులకు గౌరవప్రదమైన పని స్థలాన్ని నిర్ధారించడానికి టాస్క్‌ఫోర్స్ కార్యాచరణ ప్రణాళికను సిద్ధం చేస్తుందని కోర్టు పేర్కొంది. ఈ నేపథ్యంలో తిరుపతిలోని స్విమ్స్‌లో జరిగిన ఘటన డ్యూటీలో ఉన్న వైద్యుల భద్రతపై మరోసారి చర్చనీయాంశమైంది.