భారత్‌కి వాయు కాలుష్య నియంత్రణలో సహాయం చేయడానికి చైనా సిద్ధం
దేశ రాజధాని ఢిల్లీ మరియు పరిసర ప్రాంతాలు ప్రస్తుతం తీవ్రమైన వాయు కాలుష్య సమస్యతో అల్లాడుతున్నాయి. గత రెండు వారాలుగా గాలి నాణ్యత సూచీ (AQI) 400 మార్క్‌ను దాటి ప్రమాద స్థాయిలో కొనసాగుతోంది.
ఈ నేపథ్యంలో చైనా భారత్‌కు సహకరించడానికి ముందుకొచ్చింది. భారత్‌లోని చైనా రాయబార కార్యాలయ ప్రతినిధి యూజింగ్ మాట్లాడుతూ —
“ఒకప్పుడు చైనా కూడా తీవ్రమైన పొగమంచు సమస్యతో ఇబ్బందులు ఎదుర్కొంది. ఆ అనుభవాన్ని భారత్‌తో పంచుకోవడానికి మేము సిద్ధంగా ఉన్నాం. భారత్ త్వరలో ఈ పరిస్థితి నుంచి బయటపడుతుందని మేము విశ్వసిస్తున్నాం,” అని తెలిపారు.
నిపుణుల అంచనా ప్రకారం, ఢిల్లీలో వాయు కాలుష్యం పెరగడానికి ప్రధాన కారణాలు — వాహనాల ఉద్గారాలు, పంట అవశేషాల దహనం, నిర్మాణ పనులు మరియు వాతావరణ పరిస్థితుల మార్పులే.
