ఆడు మగడ్రా బుజ్జి.. 12 మంది భార్యలు.. 102 మంది సంతానం
ఓ వైపు ప్రపంచ దేశాలు అధిక జనాభాతో సతమతమవుతుంటే.. మరోవైపు ఉగాండాకు చెందిన ఓ వ్యక్తి తన సంతానాన్ని పెంచుకుంటూ వెళుతున్నాడు. ఈ వ్యక్తికి 12 మంది భార్యలున్నారు. వారి ద్వారా ఆయనకు 102 మంది సంతానం కలిగారు. వారికి పెళ్లిళ్లు చేయడం ద్వారా మొత్తంగా 578 మందికి తాతయ్యాడు. వారి పేర్లను గుర్తుంచుకునేందుకు ఏకంగా ఓ రిజిస్టర్ నే మెయింటైన్ చేస్తున్నాడు. 102 మంది పిల్లలకు జన్మనిచ్చిన ఆ వ్యక్తి పేరు ముసా హసహ్యా కసేరా. తూర్పు ఉగాండాలోని ముకిజా గ్రామం. ఆయన వయసు ప్రస్తుతం 70 సంవత్సరాలు. ఒక్కో భార్య నుంచి 8, 9 మంది పిల్లల్ని కన్నాడు. ఇప్పుడు తన సంతానాన్ని పెంచేందుకు, వారి కడుపు నింపేందుకు నానా పాట్లు పడుతున్నాడు. 1972లో ముసా తొలి వివాహం చేసుకున్నాడు. అప్పటికి ఆయన వయసు 17 ఏళ్లే. అనంతరం ఒకరి తర్వాత ఒకరిగా మొత్తం 12 మందిని చేసుకున్నాడు. అయితే, ఇంతమందిని చేసుకుంటూ పోయినా వారిని ఎలా పోషించగలనన్న ఆలోచన తనకెప్పుడూ తట్టలేదని ముసా చెప్పుకొచ్చాడు. ఈ స్టోరీని ఓ వ్యక్తి ‘దిఇండోట్రెక్కర్’ అనే ఇన్ స్ట్రాగ్రాం అకౌంట్ లో వీడియో షేర్ చేశాడు.. అయితే.. ఈ వీడియో 21 మిలియన్స్ వ్యూస్ తో దూసుకెళుతోంది.
