రంజాన్ వేళ స్విగ్గీలో 10 లక్షల బిర్యానీ, 4 లక్షల హలీమ్ ఆర్డర్లు!

పవిత్ర రంజాన్ మాసం సందర్భంగా, ఫుడ్ డెలివరీ ప్లాట్‌ఫారమ్ స్విగ్గీలో ఫుడ్ ఆర్డర్‌లలో హైదరాబాద్‌లో భారీ పెరుగుదల కనిపించింది. హైదరాబాద్‌లో ప్రజలు 10 లక్షల బిర్యానీలు, 4 లక్షల ప్లేట్ల హలీమ్‌ను ఆర్డర్ చేశారని స్విగ్గీ రంజాన్ ఆర్డర్ విశ్లేషణ నివేదిక పేర్కొంది. హలీమ్, చికెన్ బిర్యానీ, సమోసాలు వంటి సాంప్రదాయ ఆహార పదార్థాలకు డిమాండ్ భారీగా పెరిగింది. ఇష్టమైనవి పవిత్ర మాసంలో అత్యంత ప్రజాదరణ పొందిన వంటకాలుగా నగర వాసులు వీటిని గుర్తించారు. బిర్యానీ, ఇతర మొఘలాయి వంటకాలకు హైదరాబాద్‌లో మంచి డిమాండ్ ఉంది. గత ఏడాది ఇదే కాలంతో పోలిస్తే స్విగ్గీలో బిర్యానీ ఆర్డర్‌లు 20% పెరిగాయి. చికెన్, పాలమూరు పొట్టెల్, పర్షియన్ స్పెషల్ హలీమ్, డ్రై ఫ్రూట్ హలీమ్‌తో సహా తొమ్మిది రకాలకు పైగా హలీమ్ 4,00,000 ఆర్డర్‌లు వచ్చినట్టు తెలిపింది. మటన్ హలీమ్ నగరం ఇష్టమైన వేరియంట్‌గా గుర్తింపు పొందింది. సమోసాలు, భజియాల ఆర్డర్లు 77 శాతం పెరిగాయి. మార్చి 23 మరియు ఏప్రిల్ 18 మధ్య ఆర్డర్‌ల విశ్లేషణ ఆధారంగా స్విగ్గీ ఈ విషయాలను వెల్లడించింది. ఇఫ్తార్ సందర్భంగా పిస్తా హౌస్ హలీమ్, ప్యారడైజ్ బిర్యానీ, మెహఫిల్ హైదరాబాద్‌ ప్రజలు ఇష్టంగా తిన్నారు.