ఫేస్బుక్లో 11 వేల ఉద్యోగాల కోత-జుకర్ బర్గ్ వెల్లడి
నిన్న ట్విట్టర్ ఇవాళ ఫేస్ బుక్ మాతృకైన మెటా ఉద్యోగులను పెద్ద సంఖ్యలో తగ్గించుకోవడం మొదలుపెట్టింది. ఆదాయం తగ్గుతోందని, ఖర్చులు పెరిగిపోతున్నాయన్న కారణంతో ఉద్యోగులపై వేటు వేయడం కంపెనీలు షురూ చేశాయ్. ఆదాయం తగ్గుతోందన్న కారణంతో 11 వేల మంది ఉద్యోగులను తొలగిస్తున్నట్టు ఫేస్బుక్ మాతృ సంస్థ మెటా ఈరోజు ప్రకటించింది. ఉద్యోగాల కోతలు ప్రకటించక ముందు… సెప్టెంబర్ 30 నాటికి 87,000 కంటే ఎక్కువ మంది ఉద్యోగులను కలిగి ఉంది. ఎలోన్ మస్క్ యాజమాన్యంలోని ట్విట్టర్, మైక్రోసాఫ్ట్తో సహా ఇతర ప్రధాన సాంకేతిక సంస్థలలో తొలగింపులను బట్టి మెటా సైతం అడుగులేస్తున్నట్టుగా కన్పిస్తోంది.
ఈ రోజు మెటా చరిత్రలో చేసిన కొన్ని కష్టమైన మార్పులను చెప్తున్నానన్నారు మెటా చీఫ్ ఎగ్జిక్యూటివ్ మార్క్ జుకర్బర్గ్. మా బృందం పరిమాణాన్ని సుమారు 13% తగ్గించాలని నిర్ణయించుకున్నామన్నారు. ప్రతిభావంతులైన ఉద్యోగుల్లో 11,000 కంటే ఎక్కువ మందిని వదులుకోవాల్సి వస్తోందని బ్లాగ్ పోస్ట్లో తెలిపారు. విచక్షణతో కూడిన వ్యయాన్ని తగ్గించడం ద్వారా క్వార్టర్ 1లో సమర్థవంతమైన కంపెనీగా మార్చడానికి చర్యలు తీసుకోడానికి సహకరిస్తోందన్నారు.
తొలగించిన ఉద్యోగులు 16 వారాల మూల వేతనంతో, ప్రతి సంవత్సరం సర్వీస్కు రెండు అదనపు వారాలు జీతాన్ని అందుకుంటారు. అదే సమయంలో ఉద్యోగులకు ఆరు నెలల పాటు ఆరోగ్య సంరక్షణ అందిస్తామన్నారు. 2004లో ఫేస్బుక్ స్థాపించిన తర్వాత మొదటిసారిగా ఇంత మొత్తంలో ఉద్యోగుల్ని కంపెనీ తొలగిస్తోంది. బడ్జెట్లో కోతలు, తగ్గింపులతోపాటుగా… డిజిటల్ ప్రకటనల ఆదాయంలో తీవ్ర మందగమనం, ఆర్థిక మాంద్యం అంచున ఊగిసలాడుతున్న ఆర్థిక వ్యవస్థతో మెటా ఈ నిర్ణయం తీసుకొంది. జుకర్బర్గ్ మరింత మూలధన సమర్ధవంతంగా మారవలసిన అవసరాన్ని నొక్కి చెప్పారు. మెటా ఉద్యోగాల తగ్గింపులు గత వారం ట్విట్టర్లో కోతలను మొదలుపెట్టాయి. ఎలోన్ మస్క్కు విక్రయించిన తర్వాత కంపెనీ దాదాపు 50% ఉద్యోగులను తగ్గించుకుంది. ఆ తొలగింపులు అస్తవ్యస్తంగా ఉన్నాయి. చాలా మంది ఉద్యోగులు స్లాక్ లేదా ఈమెయిల్ నుండి అకస్మాత్తుగా తొలగించినప్పుడు తమ ఉద్యోగాలను కోల్పోయారు. సోషల్ నెట్వర్క్లో నష్టాలను నివారించడానికి ఈ చర్యలు అవసరమని మస్క్ అన్నారు. ఆ తర్వాత తొలగించిన కొంతమంది కార్మికులను తిరిగి రావాలని కోరారు. ప్రత్యర్థి యాప్ స్నాప్చాట్ మాతృ సంస్థ అయిన స్నాప్ కూడా ఆగస్ట్లో వర్క్ఫోర్స్లో 20% మందిని తొలగిస్తుందని చెప్పింది.