దక్షిణాది ప్రత్యేక దేశం కావాలి. బడ్జెట్‌ ప్రకటన తర్వాత కాంగ్రెస్ ఎంపీ హాట్ కామెంట్స్
మధ్యంతర బడ్జెట్‌ను ప్రవేశపెట్టిన కొద్దిసేపటికే కర్ణాటక కాంగ్రెస్ నాయకుడు తీవ్ర అభ్యంతరం వ్యక్తం చేశాడు. ఆయనెవరో కాదు కర్నాటక ఉప ముఖ్యమంత్రి డీకే శివకుమార్ సోదరుడు. బెంగళూరు రూరల్ ఎంపీగా ఉన్న ఆయన కేంద్ర మంత్రి నిర్మలా సీతారమన్ ప్రకనట తర్వాత మండిపడ్డారు. కేంద్రం దక్షిణ భారతదేశానికి అభివృద్ధి నిధులను అందించకుండా ఉత్తరాదికి ఉపయోగిస్తోందని ఆరోపించారు. సమస్యను పరిష్కరించకుంటే దక్షిణాది ప్రత్యేక దేశం కావాల్సి వస్తుందని కాంగ్రెస్ ఎంపీ డీకే సురేష్ కుమార్ అన్నారు. బీజేపీది విభజన మనస్తత్వం అని ఆరోపించారు. గత ఏడాది కర్ణాటకలో అధికారంలోకి వచ్చిన కాంగ్రెస్, రాష్ట్రానికి కేంద్ర నిధుల వాటా అందడం లేదన్న బెంగాల్ ముఖ్యమంత్రి మమతా బెనర్జీ ఫిర్యాదును, తాజాగా ఈ వ్యాఖ్యలు ప్రతిధ్వనించేలా చేస్తున్నాయి.
దక్షిణ భారతదేశానికి ప్రతి దశలో అన్యాయం… జరుగుతోందని ఆరోపించారు. మా వాటా మాకు ఇవ్వాలని కోరుకుంటున్నామన్నారు. GST, కస్టమ్ లేదా ప్రత్యక్ష పన్నులు అయినా, మేము మా సరైన వాటాను పొందాలనుకుంటున్నాం. … అభివృద్ధికి కేటాయించాల్సిన మా వాటా డబ్బు ఉత్తర భారతదేశానికి పంపిణీ చేస్తున్నారన్నారు. “రాబోయే రోజుల్లో దీనిని ఖండించకపోతే, హిందీ మాట్లాడే ప్రాంతాలు మనపై ఒత్తిడి తెచ్చిన పరిస్థితుల ఫలితంగా ప్రత్యేక దేశం కోసం డిమాండ్ చేయవలసి ఉంటుంది” అని ఆయన విలేకరులతో అన్నారు. డీకే సురేష్ కుమార్ విమర్శలపై బీజేపీ నేత తీవ్రంగా మండిపడ్డారు. చలువాది నారాయణస్వామి మాట్లాడుతూ, కాంగ్రెస్ ‘భారత్ జోడో’కు బదులుగా ‘భారత్ తోడో (బ్రేక్)’ వైపు చూస్తోందని అన్నారు. ‘కాంగ్రెస్ బుద్ధి ఈ దేశాన్ని విడదీస్తోంది.. 1947లోనూ అదే చేసింది.. రాహుల్‌గాంధీ ఈ భారత్ జోడో చేస్తుంటే.. ఉత్తర భారతదేశాన్ని, దక్షిణ భారతాన్ని విభజించాలని ఈ వ్యక్తులు మాట్లాడుతున్నారు. రాజ్యాంగాన్ని పరిరక్షిస్తానని, దేశాన్ని ఐక్యంగా ఉంచుతానని ప్రమాణం చేశారు. ఇప్పుడు, ఇది ఏమిటి?” అని విమర్శించాడు.
ఈ నెల ప్రారంభంలో, రాష్ట్ర కాంగ్రెస్ ఒక శ్వేతపత్రాన్ని విడుదల చేసింది, భారతదేశ వృద్ధి కథనాల్లో కర్నాటక ఒకటి అయినప్పటికీ, కేంద్రం నుండి రాబడి ద్వారా చాలా తక్కువగా ఉందని ఆరోపించింది. 2023-24 సంవత్సరానికి కార్పొరేట్, ఇతర పన్నుల కింద కర్ణాటక వాటా ₹ 2.25 లక్షల కోట్లు కాగా, పన్నుల పంపిణీ ద్వారా ₹ 37,252 కోట్లు మాత్రమే వస్తున్నాయని, రాష్ట్ర GST సహకారం దాదాపు ₹ 1.4 లక్షల కోట్లు, కానీ ₹ 13,005 కోట్లు మాత్రమే ఆశించగలుగుతున్నామని రాష్ట్ర కాంగ్రెస్ అధికార ప్రతినిధి ఎం లక్ష్మణ అన్నారు. వివిధ పన్నుల ద్వారా దాదాపు ₹ 4 లక్షల కోట్లను ఆర్జించినప్పటికీ, కర్ణాటకకు అందాల్సిన ₹ 1 లక్ష కోట్లకు బదులుగా మొత్తం ₹ 50,257 కోట్లు వచ్చే అవకాశం ఉందని లక్ష్మణ చెప్పారు. ఇలాంటి ఫిర్యాదులు గతంలో కేరళ నుండి రాగా… ఇటీవల తమిళనాడులో ఎంకె స్టాలిన్ నేతృత్వంలోని డిఎంకె ప్రభుత్వం నుండి వస్తున్నాయి. ఈ నెల ప్రారంభంలో, కర్నాటకలోని కాంగ్రెస్ ప్రభుత్వం కేంద్రం “వక్రీకరించిన” పన్నుల పంపిణీకి వ్యతిరేకంగా కూటమిని ఏర్పాటు చేస్తున్నట్లు పేర్కొంది. ప్రస్తుత ఆర్థిక సంఘం ప్రకారం పన్నుల్లో రాష్ట్ర వాటా 4.71 శాతం నుంచి 3.64 శాతానికి తగ్గిందని అధికారులు తెలిపారు.