అన్ని పార్టీల ఎంపీల భేటీ..ఎందుకంటే..
తెలంగాణ ప్రభుత్వం పరిపాలనలో సరికొత్త విధానానికి శ్రీకారం చుట్టింది. శనివారం నాడు తెలంగాణలో అన్ని పార్టీల ఎంపీల సమావేశం ఏర్పాటు చేయాలని నిర్ణయించింది. డిప్యూటీ సీఎం భట్టి విక్రమార్క అధ్యక్షతన ఎంపీల భేటీ జరగనుంది. ఈ భేటీలో కేంద్ర ప్రభుత్వం వద్ద పెండింగులో ఉన్న అంశాలపై చర్చించనున్నారు. ఈ సమావేశానికి సీఎం రేవంత్ రెడ్డి కూడా హాజరుకానున్నారు. కేంద్ర మంత్రులు కిషన్ రెడ్డికి, బండి సంజయ్‌కు డిప్యూటీ సీఎం భట్టి విక్రమార్క ప్రత్యేకంగా ఫోన్ చేసి ఆహ్వానించారు. కేంద్రప్రభుత్వం నుండి రావాల్సిన నిధులు, కేటాయింపులపై ప్రత్యేక చర్చలు ఉంటాయని సమాచారం.
