యశోదా ఆస్పత్రిలో మాజీ మంత్రి జగదీశ్ రెడ్డి హంగామా

హైదరాబాద్ నగరంలోని సోమాజిగూడ యశోదా ఆస్పత్రిలో మాజీ మంత్రి జగదీశ్ రెడ్డి, బీఆర్ఎస్ లీడర్లు హంగామా సృష్టించారు. సెక్యూరిటీ సిబ్బంది, స్టాఫ్ పై దాడి చేసి అద్దాలు ధ్వంసం చేశారు. ఓ యూట్యూబర్ ను పరామర్శించడానికి మాజీ మంత్రి జగదీశ్వర్ రెడ్డి, ఆయన అనుచరులు, బీఆర్ఎస్ నాయకులు యశోద హాస్పిటల్ కు వెళ్లారు. అయితే ఆస్పత్రిలో సెల్ ఫోన్ తో వీడియో తీస్తున్న వారిని సెక్యూరిటీ సిబ్బంది అడ్డుకున్నారు. ఈ క్రమంలోనే రెండు వర్గాల మధ్య గొడవ జరిగిననట్లు సమాచారం. కాగా… మాజీ మంత్రినే వీడియో తీయొద్దు అంటావా అంటూ జగదీశ్వర్ రెడ్డి అనుచరులు సెక్యూరిటీ సిబ్బంది, స్టాఫ్ పై దాడి చేశారు.