ఇంతకీ తమిళిసైను హోం మంత్రి అమిత్ షా బెదిరించాడా?
బిజెపి నాయకురాలు తమిళిసై సౌందరరాజన్ గురువారం మాట్లాడుతూ, పార్టీ సీనియర్ నాయకుడు అమిత్ షా తనను “నియోజకవర్గంలో రాజకీయాన్ని సీరియస్‌గా చేయాలని” కోరారని చెప్పారు. ఒక రోజు తర్వాత ఆమె కేంద్ర హోంమంత్రితో చర్చ సందర్భంగా రేగిన దుమారంపై సోషల్ మీడియాలో స్పందించారు. బుధవారం ఏపీ ముఖ్యమంత్రిగా టీడీపీ అధినేత చంద్రబాబు నాయుడు ప్రమాణ స్వీకారం సందర్భంగా ఒక వీడియో క్లిప్‌లో, షా తన వేలితో తమిళిసైకి వార్నింగ్ ఇస్తున్నారా.. పార్టీలో రచ్చ గురించి ఆమెను హెచ్చరిస్తున్నారా అన్నట్టుగా పెద్ద ఎత్తున ప్రచారం జరిగింది. ఐతే అదంతా ఏమీ లేదంటూ ఆమె ఎక్స్ వేదిక ద్వారా తేల్చేశారు. తెలంగాణ మాజీ గవర్నర్‌ సౌందరరాజన్ గురువారం సాయంత్రం ఎక్స్‌లో ఒక పోస్ట్‌లో, లోక్‌సభ ఎన్నికల ఫలితాల ప్రకటన తర్వాత అమిత్ షాను మొదటిసారిగా కలిశానని, ఇద్దరూ “పోల్ పోస్ట్ ఫాలోఅప్ గురించి మాట్లాడుకున్నామని చెప్పారు.
” 2024 ఎన్నికల తర్వాత మొదటిసారిగా APలో మా గౌరవనీయులైన హోంమంత్రి శ్రీ @అమిత్‌షా జీని నిన్న నేను కలుసుకున్నప్పుడు, పోస్ట్ పోల్ ఫాలోఅప్, ఎదుర్కొన్న సవాళ్ల గురించి అడగడానికి ఆయన నన్ను పిలిచారు. “నేను వివరిస్తున్నప్పుడు, చాలా శ్రద్ధతో సమయాభావం కారణంగా, నియోజకవర్గ గురించిన జాగ్రత్తలు చెప్పారని, ఎలా నడుచుకోవాలో కూడా సలహా ఇచ్చారని, ఇది ఎంతో భరోసా ఇచ్చిందని… కొందరు అనవసరమైన ఊహాగానాలు చేస్తున్నారని, అందుకే తాను స్పష్టత ఇచ్చానని” ఆమె చెప్పారు. సౌందరరాజన్ దక్షిణ చెన్నై లోక్‌సభ స్థానం నుంచి పోటీ చేశారు. డిఎంకెకు చెందిన తమిజాచి తంగపాండియన్‌ చేతిలో ఆమె ఓడిపోయారు. తమిళనాడు బీజేపీలో అంతర్గత పోరు నడుస్తోందన్న పుకార్ల నేపథ్యంలో ఆమె చేసిన వ్యాఖ్యలు ప్రాధాన్యత సంతరించుకున్నాయి. సౌందరరాజన్ బుధవారం చెన్నైకి తిరిగి వచ్చినప్పుడు, అమిత్ షాతో ఏం జరిగిందని విలేకరులు అడిగినప్పుడు అందుకు వ్యాఖ్యానించడానికి ఆమె నిరాకరించారు. బిజెపిలోని “క్రిమినల్ ఎలిమెంట్స్” అంటూ ఆమె వ్యాఖ్యానించడం, అదే సమయంలో “అన్నాడీఎంకేతో పొత్తు ఉంటే పార్టీ గెలిచి ఉండేది” అని ఆమె చేసిన వ్యాఖ్యలు బీజేపీలో కలకలం రేపాయి.
