$30 బిలియన్ల ఇండియన్ ప్రీమియర్ లీగ్‌లో సౌదీ ప్రిన్స్‌కు వాటా
ప్రపంచంలోనే అత్యంత ధనిక క్రికెట్ లీగ్ అయిన ఇండియన్ ప్రీమియర్ లీగ్ (ఐపీఎల్)లో బిలియన్ డాలర్ల వాటాను కొనుగోలు చేసేందుకు సౌదీ అరేబియా ఆసక్తిని వ్యక్తం చేసినట్లు బ్లూమ్‌బెర్గ్ న్యూస్ శుక్రవారం నివేదించింది. సౌదీ అరేబియా క్రౌన్ ప్రిన్స్ మహ్మద్ బిన్ సల్మాన్ సలహాదారులు ఐపిఎల్‌ను 30 బిలియన్ డాలర్ల విలువైన హోల్డింగ్ కంపెనీగా మార్చడం గురించి భారత ప్రభుత్వ అధికారులతో మాట్లాడినట్లు నివేదిక తెలిపింది. 30 బిలియన్ డాలర్లు భారతీయ రూపాయల్లో రెండున్నర లక్షల కోట్లు.
సెప్టెంబరులో యువరాజు భారతదేశాన్ని సందర్శించినప్పుడు చర్చలు జరిగాయని పేర్కొంది. లీగ్‌లో 5 బిలియన్ డాలర్లు పెట్టుబడి పెట్టాలని, ఇతర దేశాలకు విస్తరణకు ప్రతిపాదించినట్టు నివేదిక పేర్కొంది. ఐపీఎల్ నిర్వహించే భారత క్రికెట్ నియంత్రణ మండలి (బీసీసీఐ) రాయిటర్స్ చేసిన అభ్యర్థనపై వెంటనే స్పందించలేదు. IPL ప్రపంచంలోని అత్యంత ధనిక లీగ్‌లలో ఒకటి. 2008లో ప్రారంభ ఎడిషన్ నుండి భారతదేశానికి అగ్రశ్రేణి ఆటగాళ్లు, కోచ్‌లను ఆకర్షిస్తోంది.