అందుబాటులోకి ముక్కు ద్వారా వ్యాక్సిన్, నేటి నుంచి ప్రైవేట్ ఆస్పత్రుల్లో లభ్యం
నాసికా వ్యాక్సిన్‌ను ప్రభుత్వం క్లియర్ చేసింది. ఈ రోజు నుండి ప్రైవేట్ ఆసుపత్రులలో అందుబాటులో రానుంది. కోవిడ్ కోసం రెండు చుక్కల నాసికా టీకాలను కూడా ప్రభుత్వం ఆమోదించింది. కోవిషీల్డ్, కోవాక్సిన్ తీసుకున్న వారు నాసికా వ్యాక్సిన్‌ను హెటెరోలాగస్ బూస్టర్‌గా తీసుకోవచ్చని అధికారిక వర్గాలు తెలిపాయి. ఇది నేటి నుండి వ్యాక్సినేషన్ డ్రైవ్‌లో చేర్చబడింది. కోవిన్ అప్లికేషన్‌లో‌నూ కనిపిస్తుంది. ప్రస్తుతం ప్రైవేట్ ఆసుపత్రుల్లో ఇవి అందుబాటులో ఉంటాయి.
కోవిడ్ ఆందోళనల నేపథ్యంలో కేంద్రం తీసుకోవాల్సిన అన్ని చర్యలు తీసుకుంటోంది. కరోనావైరస్ ప్రభావం గతంలోలా ఉండకుండా చేసేందుకు మంగళవారం నుండి దేశవ్యాప్తంగా ఆసుపత్రులలో ఏర్పాట్లు చేస్తోంది. మంగళవారం నుంచి దేశవ్యాప్తంగా ఉన్న ఆసుపత్రుల్లో మాక్ డ్రిల్‌లు నిర్వహించనున్నట్లు కేంద్ర ఆరోగ్య మంత్రిత్వ శాఖ వెల్లడించింది. క్రిస్మస్, నూతన సంవత్సరానికి సంబంధించి తాజా మార్గదర్శకాలను సిద్ధం చేస్తున్నట్లు పేర్కొంది. కరోనా మహమ్మారి ఇంకా ముగియలేదని… పండుగల సీజన్‌లో, కోవిడ్-జాగ్రత్తలు తీసుకోవాల్సిందేనని కేంద్రం చెబుతోంది.
కోవిడ్ చైనా, కొరియా, బ్రెజిల్ నుండి వ్యాప్తి చెందడం ప్రారంభిస్తోందని త్వరలో దక్షిణాసియాకు ప్రబలే అవకాశముందని కేంద్రం ఆందోళన చెందుతోంది. 20-35 రోజులలో భారతదేశానికి చేరుకోవచ్చని అంచనా వేస్తోంది. అప్రమత్తంగా ఉండాలని వైద్య ఆరోగ్యశాఖ దేశ పౌరులకు పిలుపునిచ్చింది.