ఇమ్రాన్ ఖాన్ పై కాల్పులు.. అసలేం జరిగిందంటే..!
పాకిస్థాన్లోని పంజాబ్లోని వజీరాబాద్లో జరిగిన ర్యాలీలో కాల్పుల్లో గాయపడిన పాక్ మాజీ ప్రధాని ఇమ్రాన్ ఖాన్ను లాహోర్ ఆసుపత్రికి తరలించారు. ఆర్మీ మద్దతుతో నడుస్తున్న ప్రభుత్వానికి వ్యతిరేకంగా లాహోర్ నుండి ఇస్లామాబాద్ వరకు సాగుతున్న కవాతులో మాజీ క్రికెటర్పై హత్యాయత్నం జరిగింది. ఈ ఘటనలో మద్దతుదారుల్లో ఒకరు చనిపోయారు. ఇమ్రాన్ కుడి కాలుకు బ్యాండేజ్ చేయబడింది. తాజా దాడి ఘటన 2007లో జరిగిన ర్యాలీలో మరో మాజీ ప్రధాని బెనజీర్ భుట్టో హత్యకు జరిగిన పరిణామాలను గుర్తుకు తెచ్చింది. షెహబాజ్ షరీఫ్ ప్రభుత్వానికి వ్యతిరేకంగా చేసిన కవాతుకు కేంద్ర బిందువుగా ఉన్న కంటైనర్-ట్రక్కుపై నిలబడి ఇమ్రాన్ ఖాన్పై కింది నుంచి పిస్టల్ షాట్లు కాల్చిన వ్యక్తి, బలవంతంగా… ఈడ్చుకెళ్లి అరెస్టు చేశారు.
ఇమ్రాన్ ఖాన్ ప్రజలను తప్పుదోవ పట్టిస్తున్నాడని.. అందుకే చంపాలనుకుంటున్నానంటూ నిందితుడు పోలీసులకు చెప్పాడు. ఘటనా స్థలంలో మరొక షూటర్, AK-47 రైఫిల్తో ఉన్నట్లు పోలీసులు గుర్తించారు. దాడి ఘటనలో గాయపడిన వారిలో కనీసం నలుగురు ఇమ్రాన్ ఖాన్ పార్టీ నాయకులు ఉన్నారు. వారిలో ఒకరు, పార్లమెంటేరియన్ ఫైసల్ జావేద్ ఖాన్ కాగా.. ఒకరు అమరుడయ్యాడు. ఇమ్రాన్ ఖాన్ కాలు మీద కాలిపై కాల్పులు జరిపారు. దాడి తర్వాత… ఇమ్రాన్ ఖాన్ను 1990లలో తన తల్లి జ్ఞాపకార్థం నిర్మించుకున్న లాహోర్లోని 100 కి.మీ దూరంలో ఉన్న షౌకత్ ఖానం ఆసుపత్రికి తీసుకెళ్లారు. ఇస్లామాబాద్కు 200 కి.మీ దూరంలో ఉన్న గుజ్రాన్వాలా జిల్లాలో జరిగిన దాడితో ఒక్కసారిగా మ్రాన్ ఉలిక్కిపడ్డారు. ప్రధాని పదవి కోల్పోయిన ఏడు నెలల తర్వాత ఈ ఘటన జరిగింది. పదవి కోల్పోయిన తర్వాత, సైన్యం, గూఢచార సంస్థ ISI “జోక్యానికి” వ్యతిరేకంగా ” ఇమ్రాన్ ఆందోనలనలు కొనసాగిస్తున్నారు. తోలుబొమ్మ ప్రభుత్వాన్ని స్థాపించి ప్రజాస్వామ్యాన్ని అణగదొక్కారంటూ ఇమ్రాన్ దుమ్మెత్తిపోస్తున్నాడు.
ఇమ్రాన్ ఖాన్ దాడి ఘటనపై… ప్రధాని షెహబాజ్ షరీఫ్ ఖండించారు. తక్షణ నివేదిక ఇవ్వాల్సిందిగా హోం మంత్రి రాణా సనావుల్లాను ఆదేశించారు. కాల్పులకు ఒక గంట ముందు, ఇమ్రాన్ ఖాన్ పట్టణంలోని మరొ ప్రాంతంలోని మద్దతుదారులను ఉద్దేశించి ప్రసంగించాల్సి ఉంది. అయితే తాను మరో ప్రాంతంలో మాట్లాడతానంటూ చెప్పడారని జియో మీడియా నివేదించింది. అతని బ్లాక్ SUV నుండి అతను కంటైనర్-ట్రక్కు ఎక్కుతున్నట్లు చూపించే వీడియోను అతని ఇమ్రాన్ ఖాన్ పార్టీ ట్వీట్ చేసింది. ప్రసంగం మొదలుపెట్టిన కొద్దిసేపటికే… కాల్పులు జరిగాయి. ముష్కరుడు ఇమ్రాన్ ఖాన్ నిలబడి ఉన్న ఎడమ వైపు నుండి పిస్టల్ నుండి కాల్చాడు. జనం ఎక్కువగా ఉండటంతో స్పష్టంగా కాల్చలేకపోయాడని.. అందుకే కాలుకి గాయమైందని పోలీసులు ధ్రువీకరించారు.
ఏప్రిల్లో పదవి నుండి తొలగించబడిన తరువాత, పాకిస్తాన్ తెహ్రీక్-ఇ-ఇన్సాఫ్ నాయకుడు ఇమ్రాన్ ఖాన్… ముస్లిం లీగ్ (PML-N), ఇద్దరు ప్రధాన ప్రత్యర్థులతో ఏర్పాటు చేసిన కొత్త కేంద్ర ప్రభుత్వాన్ని రాజీనామా చేయాలని డిమాండ్ చేస్తున్నారు. గతంలో ఇలాంటి దాడిలో తల్లి బెనజీర్ను కోల్పోయిన పిపిపికి చెందిన విదేశాంగ మంత్రి బిలావల్ భుట్టో జర్దారీ ఇమ్రాన్ ఖాన్పై దాడిని తీవ్రంగా ఖండిస్తున్నానన్నారు. త్వరగా కోలుకోవాలని ప్రార్థిస్తున్నట్టు ట్వీట్ చేశారు.
