థాక్రేకు సుప్రీం కోర్టులో షిండే కౌంటర్…

మహారాష్ట్రలోని మహా వికాస్ అఘాడీ (ఎంవీఏ) ప్రభుత్వం కూలిపోవడానికి దారితీసిన ఇటీవలి రాజకీయ సంక్షోభానికి సంబంధించి దాఖలైన పిటిషన్ల విచారణను సుప్రీంకోర్టు నేడు విచారణ చేపట్టింది. ప్రస్తుత సీఎం షిండే వర్గానికి, మాజీ సీఎం ఉద్ధవ్ వర్గానికి మధ్య వాడీ వేడీ వాదనలు జరిగాయి.ఇరు పక్షాల వాదనలు విన్న ప్రధాన న్యాయమూర్తి జస్టిస్ ఎన్వీ రమణ, జస్టిస్ కృష్ణ మురారి, జస్టిస్ హిమా కోహ్లీలతో కూడిన ధర్మాసనం కొంత సమయం ఇచ్చింది

పిటిషన్లలోని కొన్ని అంశాలపై ఐదుగురు న్యాయమూర్తుల బెంచ్ సూచించాల్సి ఉంటుందని ప్రధాన న్యాయమూర్తి అన్నారు. ” కొన్ని సమస్యలకు విస్తృత బెంచ్ అవసరం కావచ్చని బలంగా భావిస్తున్నానని జస్టిస్ ఎన్వీ రమణ అన్నారు . మహారాష్ట్ర అసెంబ్లీ స్పీకర్ రాహుల్ నర్వేకర్ యథాతథ స్థితిని కొనసాగిస్తారని, అనర్హత పిటిషన్లపై ఎలాంటి నిర్ణయం తీసుకోరని ఆయన అన్నారు. అన్ని రికార్డులను సురక్షితమైన కస్టడీలో ఉంచాలని సుప్రీం కోర్టు శాసనసభ కార్యదర్శికి కోర్టు తెలిపింది. థాక్రే వర్గం దాఖలు చేసిన పిటిషన్లపై అఫిడవిట్ దాఖలు చేయాలని సుప్రీంకోర్టు షిండే వర్గాన్ని ఆదేశించింది.తదుపరి విచారణను ఆగస్టు 1కి వాయిదా వేసింది.

కాగా.. ఈ కేసు షిండే వర్గానికి అనుకూలంగా తీర్పు వస్తే… దేశంలో ఎన్నికైన ప్రతి ప్రభుత్వాన్ని కూలదోయవచ్చని శివసేన చీఫ్ ఉద్దవ్ థాక్రే తరఫున సీనియర్ న్యాయవాది కపిల్ సిబల్ సుప్రీంకోర్టుకు తెలిపారు. పదో షెడ్యుల్‌లో ఆంక్షలు ఉన్నప్పటికీ రాష్ట్ర ప్రభుత్వాలను పడగొట్టగలిగితే ప్రజాస్వామ్యం ప్రమాదంలో పడుతుందని ఆయన ఆవేదన వ్యక్తం చేశారు. ” ప్రజల తీర్పునకు అర్థం ఏముంది ? పదో షెడ్యూల్‌ను అత్యద్భుతంగా మార్చారన్నారు .ఫిరాయింపులను ప్రేరేపించడానికి ఉపయోగించారంటూ సిబల్ ఆక్షేపించారు. సుప్రీంకోర్టు కేసులో విచారణలో ఉన్నప్పుడు షిండే నేతృత్వంలోని కొత్త ప్రభుత్వంతో మహారాష్ట్ర గవర్నర్ భగత్ సింగ్ కోషియారీ ప్రమాణం చేయించి ఉండకూడదని ఆయన ధర్మాసనానికి తెలిపారు. పార్టీ నామినేట్ చేసిన అధికారిక విప్ కాకుండా షిండే నేతృత్వంలోని శివసేన తిరుగుబాటుదారుల కొత్త పార్టీ విప్ ను గుర్తించాలని అసెంబ్లీ స్పీకర్ తీసుకున్న నిర్ణయం చెల్లదని థాక్రే తరఫున సీనియర్ న్యాయవాది కపిల్ సిబల్ వాదించారు.