ప్రేమికుడు సినిమా 13న రీ-రిలీజ్
సరిగ్గా 30 ఏళ్ల క్రితం విడుదలైన శంకర్ డైరెక్షన్లో వచ్చిన ‘ప్రేమికుడు’ సినిమా తెలుగునాట ఎంతటి విజయాన్ని సాధించిందో మీకందరికీ తెలిసిందే. ఆ సినిమాకూ, అందులోని ఏ.ఆర్.రెహమాన్ పాటలకూ ఇప్పటికీ మాంచి క్రేజ్ ఉన్నమాట వాస్తవం. ప్రభుదేవ డాన్సులు, నగ్మ అందచందాలు ఈ సినిమాను మరో లెవెల్కు తీసుకుపోయాయి. నిర్మాత కేటీ కుంజుమన్ భారీ వ్యయంతో నిర్మించిన ఈ చిత్రం ఇప్పుడు రీ-రిలీజ్కు సిద్ధమైంది. రమణ, మురళీధర్ కలిసి ఈ చిత్రాన్ని ఈనెల 13న థియేటర్లలో విడుదల చేస్తున్నారు. ఎస్పీ బాలసుబ్రహ్మణ్యం, గిరీష్కర్నాడ్, రఘువరన్, వడివేలు ఇందులో కీలక పాత్రలు పోషించిన విషయం తెలిసిందే.
