టాలీవుడ్లో పలు సినిమాల్లో నటించిన ప్రణీత సుభాష్ తనకంటూ మంచి గుర్తింపును తెచ్చుకుంది. పవన్ కళ్యాణ్ నటించిన ‘అత్తారింటికి దారేది’ మూవీలో మంచి రోల్లో నటించి తెలుగు ప్రేక్షకులకు దగ్గరయ్యింది. ఇక ఈ బ్యూటీ తాజాగా రెండోసారి తల్లికాబోతున్నట్లు ప్రకటించింది. బేబీ బంప్తో ఉన్న ఫోటోలను తన ఇన్స్టాలో పోస్ట్ చేసి ఈ గుడ్ న్యూస్ను అభిమానులతో పంచుకుంది.
రౌండ్ 2.. ఇక నుంచి ప్యాంట్లు సరిపోవు అంటూ తన ప్రెగ్నెన్సీ విషయాన్ని సంతోషంగా తెలిపింది. 2021లో వ్యాపారవేత్త నితిన్ రాజును వివాహమాడిన ప్రణీత, 2022లో ఓ ఆడబిడ్డకు జన్మనిచ్చింది. ఇప్పుడు మరోసారి తల్లి కాబోతుండటంతో తాను సంతోషంగా ఉన్నట్లుగా తెలిపింది.
ఇటీవల తమిళ, కన్నడ సినిమాల్లో రెండో ఇన్నింగ్స్ స్టార్ట్ చేసింది ప్రణీత. ప్రస్తుతం ప్రణీత సుభాష్ బేబీ బంప్ ఫోటోలు నెట్టింట వైరల్ అవుతున్నాయి.
