గజ్వేల్ నియోజవర్గంలో ఈటల రాజేందర్ ఎన్నికల ప్రచారం

మండలం: గజ్వేల్, గ్రామం: బంగ్లా వెంకటపూర్.

మీ బిడ్డను ఆపదలో అండగా ఉంటాను. మీకు తోడుగా ఉంటాను. కాలిలో ముళ్ళు గుచ్చుకుంటే పంటితో తీసేలా సేవ చేస్తాను. నన్ను గెలిపించండి. ధర్మాన్ని గెలిపించే బాధ్యత మీ చేతుల్లో ఉంది. దొంగకు సద్దులు కట్టకండి. సర్వే నంబర్ 154, 156, 133, 153 లో ఉన్న 1100 ఎకరాల భూములు గుంజుకుంటమని కెసిఆర్ నోటీసులు ఇచ్చారు.

కెసిఆర్‌కి ఓటు వేసిన ఖర్మానికి మా భూములు పోతున్నాయని ఏడుస్తున్నారు. 20 ఎకరాల కలెక్టర్ భవనం కోసం, 350 ఎకరాలు తీసుకున్నారు. మిగిలిన భూమి రియల్ ఎస్టేట్ ప్లాట్లు చేసి అమ్ముకుంటున్నారు. నోటిఫై అయిన భూములు పోకుండా కాపాడే బాధ్యత నాది.  భూములు పోకుండా ఉండాలంటే కెసిఆర్‌కి ఓటు వేయవద్దు. 5 వేల రూపాయలు ఇచ్చి డిప్పు, స్ప్లింకర్, తార్పాల్ పట్టాలు,  క్రాప్ ఇన్సూరెన్స్ అన్ని బంద్ పెట్టారు. కెసిఆర్ నువ్వు బలవంతంగా ఓటు వేయించుకోలేవు. డబుల్ బెడ్ రూమ్, రేషన్ కార్డ్, నౌకరీలు, నిరుద్యోగ భృతి ఏది ఇవ్వలేదు.. మరి ఏమి ఇచ్చారు అని కెసిఆర్‌కి ఓటు వేయాలి.

ప్రధానమంత్రి నరేంద్ర మోడీ ఆశీస్సులు లేకుండా ఏ పనీ జరగడంలేదు.  గ్రామంలో కట్టే స్మశానం, వేసే సిమెంట్ రోడ్లు, కట్టే మోరీలు, పెట్టే లైట్లు, చెట్లు ఇవన్నీ కేంద్రం ఇచ్చే డబ్బులు తప్ప కేసీఆర్ రూపాయి ఇవ్వడం లేదు.  పేదల ఆకలి తీర్చడానికి రాష్ట్ర ప్రభుత్వం ఇచ్చే ఐదు కిలోలకి మరో 5 కిలోలు కలిపి మోదీ ఇస్తున్నారు. కానీ కేంద్రం ఐదు కిలోలు ఇవ్వడం మొదలుపెట్టిన తర్వాత రాష్ట్రం 5 కిలోలు ఇవ్వడం బంద్  పెట్టింది. ఇప్పుడు కేవలం 5 కేజీలు మాత్రమే వస్తున్నాయి. బిజెపి అధికారంలోకి వస్తే 10 కేజీల బియ్యాన్ని అందిస్తాము.

మీ బిడ్డను ఆపదలో అండగా ఉంటాను. మీకు తోడుగా ఉంటాను. కాలిలో ముళ్ళు గుచ్చుకుంటే పంటితో తీసేలా సేవ చేస్తాను. నన్ను గెలిపించండి. ధర్మాన్ని గెలిపించే బాధ్యత మీ చేతుల్లో ఉంది. దొంగకు సద్దులు కట్టకండి.