డ్రగ్స్ పరీక్ష చేయించుకున్న ఫిన్లాండ్ ప్రధాని
ఇటీవల తన ఫ్రెండ్స్తో కలిసి ఒక ప్రైవేటు పార్టీలో పాల్గొని డాన్స్ చేసిన వీడియో బయటకు రావడంతో ఫిన్లాండ్ ప్రధాని సనా మారిన్ తీవ్ర విమర్శలు ఎదుర్కొంటున్నారు. దీని కారణంగా ప్రతిపక్షాలు ఆమె ఆ పార్టీలో డ్రగ్స్ తీసుకున్నారని ఆరోపించాయి. అంతేకాకుండా ఆమె డ్రగ్ పరీక్ష చేయించుకోవాలని డిమాండ్ చేశాయి. దీంతో అందరి అనుమానాలకు పుల్స్టాప్ పెట్టేందుకు ఆమె ఈ రోజు డ్రగ్ పరీక్ష చేయించుకున్నారు. అనంతరం మీడియాతో మాట్లాడుతూ..నేను డ్రగ్ పరీక్ష చేయించుకున్నాను. అయితే ఒక వారంలో పరీక్ష ఫలితాలు వస్తాయని,వచ్చిన వెంటనే వాటిని మీడియాతో పంచుకుంటాను అని స్పష్టం చేశారు.
ఈ మధ్య కాలంలో ఒక పార్టీలో పాల్గొన్న ఆమె తన ఫ్రెండ్స్తో కలిసి మోకాళ్ళపై కూర్చుని డ్యాన్స్ చేస్తూ..బాగా ఎంజాయ్ చేశారు. అయితే ఆ పార్టీకి సంబంధించిన డాన్స్ వీడియో సామాజిక మాధ్యమాలలో వైరల్గా మారింది. దీంతో ఫిన్లాండ్లోని ప్రతిపక్షాలు ఆమెపై పలు రకాల విమర్శలతో విరిచుకు పడ్డాయి. ఆమె ఈ పార్టీలో డ్రగ్స్ తీసుకున్నారని ప్రతిపక్షాలు ఆరోపించాయి. అంతేకాకుండా ఆమెకు డ్రగ్ టెస్ట్ నిర్వహించాలని డిమాండ్ చేశాయి. అయితే ఈ విషయంపై సనా మారిన్ స్వయంగా స్పందించారు. ఆమె ఈ వీడియో గురించి మాట్లాడుతూ..ఆ డాన్స్ వీడియో తాను పాల్గొన్న ఒక ప్రైవేటు పార్టీకి సంబంధించినది అని స్పష్టం చేశారు. ఆ పార్టీలో తాను ఎటువంటి డ్రగ్స్ తీసుకోలేదని..కేవలం మద్యం మాత్రమే సేవించానని వివరించారు. ఈ వీడియో ఇలా బయటకు రావడం చాలా దురదృష్టకరంగా భావిస్తున్నానన్నారు. ఆ పార్టీలో తాను చేసిన పనులు చట్టబద్దమైనవే అనీ, తాను ఎలాంటి తప్పు చేయలేదని వెల్లడించారు.
