పాలమూరు లిఫ్ట్ ఇరిగేషన్ పనుల్లో విషాదం.. ఐదుగురు దుర్మరణం

పాలమూరు రంగారెడ్డి ప్రాజెక్టు లిఫ్ట్ పనులకు అంతరాయం ఏర్పడింది. లిఫ్ట్ ఇరిగేషన్ స్కీమ్‌లో స్కీం పనుల్లో విషాదం చోటుచేసుకుంది.లిష్ట్ ఇరిగేషన్ పనుల్లో భాగంగా క్రేన్ సాయంతో కొంతమంది కార్మికులు పంప్‌హౌస్‌లోకి దిగుతుండగా ఈ ప్రమాదం జరిగింది. శుక్రవారం తెల్లవారుజామున ఎప్పటిలాగే పనుల్లోకి వచ్చిన కార్మికులు , క్రేన్ సాయంతో పంప్‌హౌస్‌లోకి దిగే ప్రయత్నం చేశారు. ఈ క్రమంలో క్రేన్‌కి కట్టిన తాడు తెగిపడి ఐదుగురు కార్మికులు అక్కడికక్కడే మృత్యువాత పడ్డారు. ఈ ఘటనలో మరొకరు త్రీవంగా గాయపడ్డారు. కొల్లాపూర్ పట్టనంలోని రేగుమనగడ్డ వద్ద నిర్మాణం జరుగుతున్న పాలమూరు రంగారెడ్డి ప్యాకేజీ -1లో ఈ దుర్ఘటన జరిగింది.

గాయపడ్డ కార్మికుడిని చికిత్స కోసం ఆసుపత్రికి తరలించారు. మృతి చెందిన కార్మికులు అందరు బీహార్ వాసులుగా గుర్తించినట్టు సమాచారం. మృతదేహాలను పోస్టుమార్టం నిమిత్తం హైదరాబాద్‌లోని ఉస్మానియా ఆసుపత్రికి తరలించినట్టు సమాచారం. పోస్టుమార్టం అనంతరం మృతదేహాలని వారి బంధువులకు అప్పగించనున్నారు. ఈ వార్తతో మిగత కార్మకులు భయందోళనకు లోనయ్యారు. ఈ విషాదం కారణంగా పనులను తాత్కాలికంగా నిలిపివేశారు.