టైమ్స్ నౌ సర్వే: ఏపీలో వైసీపీకి 19 టీడీపీ-జనసేనకు 6 సీట్లు
2024 లోక్‌సభ ఎన్నికల్లో ఆంధ్రప్రదేశ్‌లోని అధికార వైఎస్‌ఆర్‌ కాంగ్రెస్ పార్టీ రాష్ట్రంలోని అత్యధిక స్థానాలను కైవసం చేసుకునే అవకాశం ఉందని టైమ్స్ నౌ-మ్యాట్రిజ్ సర్వేలో తేలింది. ఆంధ్రప్రదేశ్‌లో 25 లోక్‌సభ స్థానాలు ఉన్నాయి. సర్వే ప్రకారం, వైసీపీ 19 సీట్లు గెలుస్తుందని అంచనా వేయగా, తెలుగుదేశం-జనసేన కూటమి మిగిలిన ఆరు స్థానాలను కైవసం చేసుకునే అవకాశం ఉందని పేర్కొంది. ఇదిలా ఉంటే, కాంగ్రెస్, భారతీయ జనతా పార్టీ, ఇతరులు ఈసారి ఒక్క సీటు కూడా గెలవలేరని సర్వే వెల్లడించింది.
ఓట్ల శాతం పరంగా చూస్తే… వైసీపీకి 47 శాతానికి పైగా ఓట్లు వచ్చే అవకాశం ఉంది, టీడీపీ-జనసేన కూటమికి 44 శాతానికి పైగా ఓట్లు రావచ్చు. 2019 లోక్‌సభ ఎన్నికల్లో వైసీపీ 22 సీట్లు గెలుచుకోగా, ఆంధ్రప్రదేశ్‌లో టీడీపీ కేవలం 3 సీట్లు మాత్రమే గెలుచుకుంది. సర్వే ప్రకారం, రాష్ట్రంలోని 38 శాతం మంది ప్రజలు ముఖ్యమంత్రి జగన్ మోహన్ రెడ్డి పట్ల చాలా సంతృప్తిగా ఉన్నారు, 26 శాతం మంది “కొంత సంతృప్తి” గా ఉన్నారు. 34 శాతం మంది ప్రజలు తీవ్ర అసంతృప్తితో ఉన్నారు.
