రాజ్యసభ సీటు ఇప్పిస్తామని 100 కోట్లు వసూలు

రాజ్యసభ సీటు ఇప్పిస్తామని 100 కోట్లు వసూలు చేసిన ముఠాను సెంట్రల్ బ్యూరో ఆఫ్ ఇన్వెస్టిగేషన్ ఛేదించింది. నగదు చేతులు మారకముందే కేంద్ర దర్యాప్తు సంస్థ నిందితును పట్టుకుంది. నిందితులు ₹ 100 కోట్ల వరకు గవర్నర్ పదవిని కూడా ఆఫర్ చేసినట్లు వారు తెలిపారు. గత కొన్ని వారాలుగా ఇంటర్‌సెప్ట్ ద్వారా ఫోన్ కాల్‌లను వింటున్నట్టు సెంట్రల్ బ్యూరో ఆఫ్ ఇన్వెస్టిగేషన్ తెలిపింది .ఈ వ్యవహరంలో సీబీఐ నలుగురిపై అభియోగాలు మోపింది. వారిలో కొందరిని మహారాష్ట్ర వాసి కర్మలాకర్ ప్రేమ్‌కుమార్ బండ్‌గర్, కర్ణాటక వాసి రవీంద్ర విఠల్ నాయక్, ఢిల్లీ వాసులు మహేంద్ర పాల్ అరోరా, అభిషేక్ బూరాగా గుర్తించారు. నిందితులు రాజ్యసభలో సీట్లు, గవర్నర్‌షిప్ లేదా ప్రభుత్వ సంస్థలు, మంత్రిత్వ శాఖలు మరియు విభాగాలకు ఛైర్‌పర్సన్‌గా నియామకం చేస్తామని తప్పుడు హామీ ఇవ్వడం ద్వారా ప్రజలను మోసం చేయడానికి విస్తృతమైన రాకెట్‌ను నడిపారని వర్గాలు తెలిపాయి.