కరాటే కళ్యాణికి “మా” అసోసియేషన్ నోటీసులు

టాలీవుడ్ నటి కరాటే కళ్యాణికి మా అసోసియేషన్ ప్రెసిడెంట్ మంచు విష్ణు నోటీసులు ఇచ్చారు. కాగా ఆమె NTRపై అనుచిత వ్యాఖ్యలు చేశారని,క్రమశిక్షణ ఉల్లంఘన కింద నోటీసులు పంపినట్లు తెలుస్తోంది. దీనిపై 3 రోజుల్లో వివరణ ఇవ్వాలని కరాటే కళ్యాణిని మా అసోసియేషన్  కోరింది. కాగా ఈ నెల 28న ఖమ్మంలో కృష్ణుడి రూపంలో ఉన్న NTR విగ్రహాన్ని ఆవిష్కరించనున్నారు. అయితే దీనిపై కరాటే కళ్యాణి ఓ న్యూస్ ఛానెల్‌లో మాట్లాడారు. ఆమె మాట్లాడుతూ..కృష్టుడిని అవమానించవద్దని,కృష్ణుడి రూపంలో NTR విగ్రహాన్ని ఏర్పాటు చేయొద్దని వ్యాఖ్యానించారు. దీంతో ఈ వ్యాఖ్యలు కాస్త వివాదాస్పదంగా మారడంతో మా అసోసియేషన్ ప్రెసిడెంట్ మంచు విష్ణు కరాటే కళ్యాణికి నోటీసులు పంపినట్లు సమాచారం.