అది ఆప్షనల్ కాదు.. బతకడానికి అవసరం..
ప్రముఖ క్రికెటర్ విరాట్ కోహ్లీ ఐపీఎల్ లో బ్యాటింగ్ చేస్తున్న వీడియో హైదరాబాద్ ట్రాఫిక్ పోలీసులు తమ ఎక్స్ వేదికగా పోస్ట్ చేశారు. ‘ మీ తలలో విడిభాగాలు లేవు. అది గ్రౌండ్ అయినా, రోడ్ అయినా.. హెల్మెట్ ఆప్షనల్ కాదు.. బతకడానికి అవసరం’ అని ప్రమాదంలో తలకు గాయాలైతే బతికించడం కష్టం అని తెలిపారు. రోడ్డుపై ప్రయాణించే వారు ఈ విషయాన్ని తప్పక పాటించాలని ట్రాఫిక్ పోలీసులు సూచించారు. ప్రస్తుతం ఈ వీడియో సోషల్ మీడియాలో తెగ వైరల్ అవుతోంది.
