ఆ దేశంలో వర్క్ ఫ్రం హోమ్ చట్టబద్ధం కానుందా?

కరోనా మహమ్మారి ప్రపంచవ్యాప్తంగా ఎన్నో అనుహ్య పరిణామాలకు శ్రీకారం చుట్టింది. ఒకప్పుడు క్రీస్తు పూర్వం, క్రీస్తు శకం అని మాట్లడేవారు ఇప్పుడు మాత్రం కరోనా ముందు ,కరోనా తరువాత అని మాట్లాడేలా చేసింది. ఈ కరోనా ప్రజల ఆహారపు అలవాట్లను మాత్రమే కాకుండా వారి పని సంస్కృతిని కూడా పూర్తిగా మార్చివేసింది. దాదాపు 2 సంవత్సరాల నుండి ప్రపంచంలోని అన్నిప్రభుత్వ ,ప్రైవేట్ రంగ సంస్థల ఉద్యోగులు వర్క్ ఫ్రం హోమ్‌కు అలవాటు పడ్డారు.అయితే ఇప్పటికీ కొన్ని సంస్థలు ఈ విధానాన్ని కొనసాగిస్తున్నాయి. ఈ నేపథ్యంలో వర్క ఫ్రం హోమ్ కు అలవాటు పడిన  కొందరు ఉద్యోగులు ఆఫీసుకు వెళ్ళడానికి ఇష్టపడడం లేదు. ఈ క్రమంలో వర్క ఫ్రం హోమ్ విధానాన్ని చట్టబద్దం చేసే దిశగా నెదర్లాండ్స్ ప్రభుత్వం చర్యలు చేపడుతుంది. దీనిప్రకారం ఆ దేశంలోని కంపెనీల యాజమాన్యాలు తమ ఉద్యోగులకు వర్క ఫ్రం హోమ్ సదుపాయాన్ని కల్పంచాలని కోరుతోంది. అలా కల్పంచలేని నేపథ్యంలో దానికి తగ్గ కారణాలు వివరించాలని సూచించింది. ఈ మేరకు దీనికి సంబందించిన బిల్లుకు ఆ దేశ దిగువ సభ ఆమోదం తెలిపింది. ఇక ఎగువ సభ కూడా ఆమోదం తెలిపితే ఇది చట్టబద్ధం కానుంది. దీనితో వర్క ఫ్రం హోమ్‌ను చట్టబద్ధం చేసిన మొదటి దేశంగా నెదర్లాండ్స్ నిలువనుంది.అయితే గతంలో స్కాట్లాండ్ ప్రభుత్వం ప్రభుత్వరంగ ఉద్యోగులు వారంలో 4 రోజులు ఇంటి నుండే విధులు నిర్వహించవచ్చని బదులుగా వేతనంలో కోత ఉంటుందని చెప్పడం వివాదాస్పదమైంది.