ఢిల్లీ సర్కార్ వర్సెస్ సీబీఐ, ఆప్, బీజేపీ మధ్య స్నూపింగ్ ఆరోపణలు
కేజ్రీవాల్ సర్కార్ సీక్రెట్ ఆపరేషన్
డిప్యూటీ సీఎం సిసోడియా నేతృత్వం
స్నూపింగ్ గుట్టు రట్టు చేసిన సీబీఐ
ప్రత్యర్థుల రహస్య సమాచార సేకరణ
తక్షణ విచారణకు బీజేపీ డిమాండ్
సీబీఐ, ఈడీతో మోదీనే విచారించాలన్న ఆప్
2015లో ఢిల్లీలో అధికారంలోకి వచ్చిన తర్వాత ఆప్ ఏర్పాటు చేసిన ఫీడ్‌బ్యాక్ యూనిట్ (ఎఫ్‌.బి.యు) రాజకీయ ఇంటెలిజెన్స్ సేకరణను పేర్కొంటూ సిబిఐ నివేదికపై వివాదం చెలరేగుతోంది. ఉప ముఖ్యమంత్రి మనీష్ సిసోడియాపై కేసు నమోదు చేయాలని బీజేపీ డిమాండ్ చేసింది. మనీష్ సిసోడియాపై “స్నూపింగ్” (ఏదైనా, ప్రత్యేకించి ఒకరి ప్రైవేట్ వ్యవహారాల గురించిన సమాచారాన్ని తెలుసుకోవడానికి రహస్యంగా ప్రయత్నించడం) ఆరోపణలను ఆప్ ఖండించింది. ఈ కేసులన్నీ “రాజకీయ ప్రేరేపితమైనవి” అని కేజ్రీవాల్ ప్రభుత్వం ఒక ప్రకటనలో పేర్కొంది. “అసలు అవినీతి ఎక్కడ జరిగిందో మోడీ, అదానీల మధ్య సందేహాస్పద సంబంధాన్ని సీబీఐ, ఈడీ దర్యాప్తు చేయాలి” అని ఆరోపించింది. 2015 సెప్టెంబర్ 29న ఢిల్లీ క్యాబినెట్ నిర్ణయం ద్వారా ఏర్పడిన ఎఫ్‌.బి.యు రాజకీయ గూఢచారాన్ని సేకరించడంలో నిమగ్నమైందని సీబీఐ తన ప్రాథమిక విచారణ నివేదికలో కనుగొంది.
ఆప్ ఆవిర్భావం నుంచి రాజకీయ ప్రత్యర్థుల పట్ల శత్రుత్వంతో పనిచేస్తోందని ఢిల్లీ బీజేపీ అధ్యక్షుడు వీరేంద్ర సచ్‌దేవా ఆరోపించారు. కేజ్రీవాల్ ప్రభుత్వం తన రాజకీయ ప్రత్యర్థులను మాత్రమే కాకుండా కేంద్ర మంత్రులు, ఎంపీలు, ఎల్‌జీ ఆఫీస్, మీడియా సంస్థలు, ప్రముఖ వ్యాపారవేత్తలు మరియు న్యాయమూర్తులపై కూడా నిఘా ఉంచేందుకు ఎఫ్‌.బి.యు ఏర్పాటు చేసింది’’ అని సచ్‌దేవా విలేకరుల సమావేశంలో ఆరోపించారు. ఎఫ్‌.బి.యు ఏర్పాటులో ‘క్రియాశీల పాత్ర’ పోషించిన డిప్యూటీ సీఎం మనీష్ సిసోడియాపై కేసు నమోదు చేసేందుకు… ఢిల్లీ లెఫ్టినెంట్ గవర్నర్ ఆమోదం కోసం సీబీఐ విజిలెన్స్ విభాగానికి నివేదిక పంపించింది. ఎఫ్‌.బి.యు పనితీరులో పాల్గొన్న ఇతరులపై కేసులు నమోదు చేయడానికి LG అనుమతిని కూడా కేంద్ర ఏజెన్సీ కోరింది.
సిసోడియాపై కేసు నమోదు కోసం ఎల్‌జీ వీకే సక్సేనా సీబీఐ అభ్యర్థనను హోం మంత్రిత్వ శాఖ ద్వారా రాష్ట్రపతికి పంపినట్లు సమాచారం. అప్పటి ఎఫ్‌బియు జాయింట్ డైరెక్టర్ ఆర్‌కె సిన్హా, అధికారులు ప్రదీప్ కుమార్ పుంజ్, సతీష్ ఖేత్రపాపై కేసుల నమోదుకు సంబంధించి సీబీఐ సిఫార్సును ఎల్‌జి, హోం మంత్రిత్వ శాఖకు పంపారు. అప్పటి విజిలెన్స్ డైరెక్టర్, ఐఆర్‌ఎస్‌ అధికారి సుకేష్‌ కుమార్ జైన్‌పై ప్రాసిక్యూషన్‌కు ఆర్థిక మంత్రిత్వ శాఖ నుంచి ఆమోదం లభించనుంది. అయితే ఢిల్లీ ముఖ్యమంత్రి సలహాదారు గోపాల్ మోహన్‌పై కేసు నమోదుకు ఎల్‌జీ ఆమోదం తెలిపినట్లు సమాచారం. ‘రాజకీయ గూఢచర్యం మోదీదేనని దేశం మొత్తానికి తెలుసు. మనీష్ సిసోడియాపై కాకుండా మోదీపై ఎఫ్ఐఆర్ నమోదు చేయాలి’ అని ఆప్ ఒక ప్రకటనలో పేర్కొంది. ఢిల్లీ ప్రభుత్వంలోని వివిధ శాఖల పనితీరుకు సంబంధించి చర్య తీసుకోదగిన అభిప్రాయాన్ని సేకరించడంతోపాటు “ట్రాప్ కేసులు” చేయడం కూడా ఎఫ్‌.బి.యుకి అప్పగించబడిందని సీబీఐ నివేదిక పేర్కొంది.
ఎఫ్‌.బి.యు ఫిబ్రవరి 2016 నుండి పని చేయడం ప్రారంభించిందని… దాని కోసం “రహస్య సేవా వ్యయం” కింద ₹ 1 కోటి నిధిని ఉంచారని తెలుస్తోంది. 60 శాతం విజిలెన్స్, రాజకీయ నిఘా, ఇతర అంశాలకు సంబంధించినవి 40 శాతం ఉన్నాయని నివేదిక పేర్కొంది. “ఫిబ్రవరి 2016 నుండి సెప్టెంబరు 2016 ప్రారంభంలో ఇటువంటి నివేదికల పరిశీలనలో ఎఫ్‌.బి.యు అధికారులు సమర్పించిన గణనీయమైన సంఖ్యలో నివేదికలు ఏ శాఖలో అవినీతిపై చర్య తీసుకోగలవని, కానీ వ్యక్తుల రాజకీయ కార్యకలాపాలకు సంబంధించినవని, రాజకీయ సంస్థలు, రాజకీయ సమస్యలకు సంబంధించినవని… ఆమ్ ఆద్మీ పార్టీ రాజకీయ ప్రయోజనాలే అని నివేదిక పేర్కొంది. “ఫీడ్‌బ్యాక్ యూనిట్ క్యాబినెట్ ఆమోదించిన పద్ధతిలో ప్రయోజనం కోసం పనిచేయడం లేదని గవర్నమెంట్ ఆఫ్ నేషనల్ కేపిటల్ టెరిటొరి ఆఫ్ ఢిల్లీ (GNCTD) ప్రయోజనాల కోసం కాకుండా ఆమ్ ఆద్మీ పార్టీ, డిప్యూటీ సీఎం మనీష్ సిసోడియా ప్రైవేట్ ప్రయోజనాల కోసం కొన్ని ఇతర రహస్య ప్రయోజనాల కోసం పని చేస్తోందని సీబీఐ నివేదికలో అభియోగాలు నమోదు చేశారు. FBU “చట్టవిరుద్ధమైన” పద్ధతిని సృష్టించి, పని చేయడం వల్ల ప్రభుత్వ ఖజానాకు సుమారు ₹ 36 లక్షల నష్టం వాటిల్లిందని కూడా ఆరోపించింది.
పబ్లిక్ ఫండ్‌ను దుర్వినియోగం చేయడం ద్వారా ఆప్ ప్రభుత్వం ఎఫ్‌బియుని ఏర్పాటు చేసి “స్కామ్”లో మునిగిపోయిందని బిజెపి ఎంపి రమేష్ బిధూరి ఆరోపించారు. కేజ్రీవాల్,సిసోడియాలపై ఫీడ్‌బ్యాక్ యూనిట్‌ను ఏర్పాటు చేయడం వెనుక “ద్వేషపూరిత ఉద్దేశం” ఉందని ఆరోపిస్తూ ఎఫ్ఐఆర్ నమోదు చేయాలని ఆయన డిమాండ్ చేశారు. ఆరోపణలన్నీ “పూర్తిగా బోగస్” అని ఢిల్లీ సర్కారు కొట్టిపారేసింది. ‘‘ఇప్పటి వరకు సీబీఐ, ఈడీ, ఢిల్లీ పోలీసులు మాపై చాలా కేసులు నమోదు చేశారు. మాపై దాదాపు 163 కేసులు నమోదయ్యాయి. అయితే బీజేపీ ఒక్క కేసు కూడా రుజువు చేయలేకపోయింది. వీటిలో దాదాపు 134 కేసులు కోర్టులు కొట్టివేసాయి, మిగిలిన కేసుల్లో కూడా బీజేపీ ప్రభుత్వం ఎలాంటి సాక్ష్యాధారాలను అందించలేకపోయింది’’ అని ఆ ప్రకటనలో పేర్కొంది.