బ.బ.బ.బ. బీఫ్… మేఘాలయలో గొడ్డు మాంసం తినేందుకు అభ్యంతరం లేదు!
గొడ్డు మాంసంపై నిషేధం లేదు
నేను కూడా గొడ్డు మాంసం తింటాం
అందరూ గొడ్డు మాంసం తినొచ్చు, ఎలాంటి పరిమితి లేదు
మేఘాలయ బీజేపీ చీఫ్ ఎర్నెస్ట్ మావ్రీ ప్రకటన
దేశంలో ఒక్క చర్చిపైనా దాడి జరగలేదు
కావాలనే బీజేపీపై కొందరు విమర్శలన్న బీజేపీ చీఫ్
భారతీయ జనతా పార్టీ మేఘాలయ ఫ్ ఎర్నెస్ట్ మావ్రీ సంచలన వ్యాఖ్యలు చేశారు. మేఘాలయలో “గొడ్డు మాంసం తినడంపై ఎటువంటి ఆంక్షలు లేవన్నారు. తాను కూడా గొడ్డు మాంసం తినేవాడినేనన్నారు. ANIతో మాట్లాడుతూ, “ఇతర రాష్ట్రాలు ఆమోదించిన తీర్మానంపై నేను ప్రకటన చేయలేను. మేం మేఘాలయలో ఉన్నాము, అందరూ గొడ్డు మాంసం తింటారు, ఎటువంటి పరిమితి లేదు. అవును, నేను కూడా బీఫ్ తింటాను. నిషేధం లేదు. ఇది మేఘాలయ. ఇది ప్రజల జీవనశైలి, దీనిని ఎవరూ ఆపలేరు. భారతదేశంలో కూడా అలాంటి నియమం లేదు. కొన్ని రాష్ట్రాలు, కొన్ని చట్టాలు చేశాయి. మేఘాలయలో కబేళాలు ఉన్నాయి, అందరూ ఆవును లేదా పందిని తీసుకుని తెచ్చుకుంటారు. వ్యక్తులు వాటికి అలవాటు పడ్డారు.”
అసోం వంటి బీజేపీ పాలిత రాష్ట్రాలు పశువధ, గోమాంసం రవాణా, విక్రయాల నియంత్రణ బిల్లును ఆమోదించిన తరుణంలో, ఈశాన్య ప్రాంతంలో బీజేపీకి చెందిన అసోం ముఖ్యమంత్రి డాక్టర్ హిమంత బిస్వ శర్మ ఆంక్షలు విధించాలని ప్రజలకు విజ్ఞప్తి చేశారు. హిందువులు నివసించే ప్రాంతాల్లో గొడ్డు మాంసం తినడాన్ని నిషేధించాలన్నారు. బీజేపీ క్రైస్తవ వ్యతిరేక పార్టీ అని కొన్ని రాజకీయ పార్టీలు చేస్తున్న ఆరోపణలను తోసిపుచ్చిన మేఘాలయ చీఫ్ ఇది కేవలం “రాజకీయ ప్రచారం” అన్నారు. “దేశంలో తొమ్మిదేళ్ల ఎన్‌డీఏ ప్రభుత్వం నడుస్తోందని, దేశంలో ఏ చర్చిపై కూడా దాడులు జరగలేదని, టార్గెట్‌గా దాడులు జరగలేదని, బీజేపీ క్రైస్తవ వ్యతిరేక పార్టీ అని ప్రతిపక్ష రాజకీయ పార్టీ ఆరోపిస్తోంది. అది కేవలం ఎన్నికల ప్రచారం మాత్రమే. మేము మేఘాలయలో ఉన్నాం. క్రైస్తవులు అధికంగా ఉండే రాష్ట్రం, మరియు అందరూ చర్చికి వెళతారు.” అంటూ మేఘాలయ బీజేపీ చీఫ్ ఎర్నెస్ట్ మావ్రీ చెప్పుకొచ్చారు.
“గోవాలో కూడా బీజేపీ అధికారంలో ఉంది. ఒక్క చర్చిని కూడా లక్ష్యంగా చేసుకోలేదు. అదే నాగాలాండ్‌‌లో కూడా అంతే. ఇది కొన్ని రాజకీయ పార్టీలు ముఖ్యంగా కాంగ్రెస్, టీఎంసీ, రాష్ట్రంలోని కొన్ని మిత్రపక్షాలు కూడా చేస్తున్న రాజకీయ ప్రచారమే. ఇది నిజం కాదు. నేను కూడా క్రిస్టియన్‌నే, చర్చికి వెళ్లవద్దని వాళ్లు ఎప్పుడూ చెప్పరా’’ అని ఎర్నెస్ట్ మావ్రీ ప్రశ్నించారు. మేఘాలయలో తదుపరి ప్రభుత్వాన్ని బీజేపీయే ఏర్పాటు చేస్తుందన్నారాయన. ఈసారి మేఘాలయ ప్రజలు మార్పు కోరుకుంటున్నారని… మా సర్వే ప్రకారం, మ్యాజిక్ నంబర్‌ను రెండంకెలలో పొంది ప్రభుత్వాన్ని ఏర్పాటు చేస్తామని ఎర్నెస్ట్ మావ్రీ చెప్పారు. మేఘాలయలో ఫిబ్రవరి 27న అసెంబ్లీ ఎన్నికలు జరగనున్నాయి.