మళ్లీ సీఎస్కే కెప్టెన్గా ధోనీ
చెన్నై సూపర్ కింగ్స్కు, క్రికెట్ అభిమానులకు కూడా ఒక పెద్ద వార్త, దిగ్గజ భారత మాజీ కెప్టెన్ మహేంద్ర సింగ్ ధోని ఇండియన్ ప్రీమియర్ లీగ్ 2023 ఎడిషన్లో చెన్నై సూపర్ కింగ్స్కు ప్రాతినిధ్యం వహిస్తానని ధృవీకరించారు. శుక్రవారం సాయంత్రం చెన్నైలో ఈ విషయమై క్లారిటీ ఇచ్చారు. ఇటీవల ఫ్రాంచైజీ కార్యక్రమానికి హాజరైన ధోనీ… వచ్చే ఏడాది చెన్నైలోని ఐకానిక్ చెపాక్ స్టేడియంకు తిరిగి వస్తానని స్పష్టం చేశాడు. 41 ఏళ్ల ధోని చివరిసారిగా 2019లో CSK తరపున చెన్నైలో ఆడారు. నాలుగు సంవత్సరాల తర్వాత, ఎల్లో ఆర్మీ తరపున చెన్నైలోని MA చిదంబరం స్టేడియంలో క్రీడా ప్రేక్షకులకు వీనుల విందు లభించనుంది. 2023 ఎడిషన్ నుండి క్యాష్ రిచ్ లీగ్ ఈసారి ఇండియాలోనే జరుగుతుందని… BCCI ఇప్పటికే ధృవీకరించింది. 2020 ఆగస్టులో అంతర్జాతీయ క్రికెట్ నుండి రిటైర్ అయిన ధోని, అతను చెపాక్కు తిరిగి వస్తానని చెప్పడంతో అభిమానులు ఆనందానికి హద్దు లేకుపోయింది. సీఎస్కే ఫ్రాంచైజీ అధికారిక ట్విట్టర్ హ్యాండిల్ ధోనీతో అభిమానులతో చుట్టుముట్టిన ఫోటోను షేర్ చేసి… వచ్చే ఏడాది చెపాక్కి తిరిగి వస్తామని పోస్ట్ చేసింది.
