ఐపీఎల్ కోచ్గా భారత మాజీ కోచ్ రాహుల్ ద్రవిడ్, ఏ జట్టుకంటే..!?
టీమ్ ఇండియా కొత్త ప్రధాన కోచ్గా గౌతమ్ గంభీర్ నియామకం ముగియడంతో, అతని స్థానంలో ఇండియన్ ప్రీమియర్ లీగ్ (ఐపిఎల్)లో కోల్‌కతా నైట్ రైడర్స్ (కెకెఆర్) ఫ్రాంచైజీ మెంటార్‌గా రాహుల్ ద్రవిడ్‌ను సంప్రదించినట్లు సమాచారం. గంభీర్ 2024 సీజన్ ప్రారంభానికి ముందు నైట్ రైడర్స్ మెంటార్‌గా ఉన్నాడు. సహ-యజమాని షారూఖ్ 10-సంవత్సరాల ప్రణాళికను ఇచ్చినట్లు నివేదించబడింది. కానీ, బోర్డ్ ఆఫ్ కంట్రోల్ ఫర్ క్రికెట్ ఇన్ ఇండియా (బిసిసిఐ) ఆఫర్ పిలుపు రావడంతో, గంభీర్.. ఐపీఎల్ ఆలోచనలను వదులుకున్నాడు.
ఐతే టీమిండియా కోచ్ విడిచిపెట్టిన తర్వాత, రాహుల్ ద్రవిడ్ ఈ IPL ఫ్రాంచైజీలో చేరేందుకు సిద్ధపడ్డాడా లేడా అన్నది తేలాలి. ఒకవేళ గౌతమ్ గంభీర్, రాహుల్ ద్రవిడ్‌ను రిఫర్ చేశారా అన్నది తేలాల్సి ఉంది. కోల్‌కతా నైట్ రైడర్స్ T20 ప్రపంచ కప్ గెలిచిన భారత కోచ్‌ని వారి కొత్త మెంటార్‌గా చూస్తున్నట్లు తెలుస్తోంది. ఏది ఏమైనప్పటికీ, గంభీర్ భారత జట్టుకు ఎంపికయ్యాక KKRలో పెద్ద శూన్యత మిగిలింది. గంభీర్ మార్గదర్శకత్వంలో ఫ్రాంచైజీ అద్భుత ఆటతీరుతో ఆకట్టుకుంది. IPL 2024 టైటిల్‌ను కైవసం చేసుకుంది. గంభీర్ నిష్క్రమిస్తోండటంతో ఫ్రాంఛైజీ ద్రవిడ్ పేరును తమ షార్ట్‌లిస్ట్‌లో ఉంచినట్లు సమాచారం. న్యూస్ 18 బంగ్లా నివేదికలో, అనేక IPL ఫ్రాంచైజీలు 2025 సీజన్‌కు ముందు ద్రవిడ్‌ను కోచ్ లేదా మెంటార్‌గా తీసుకోవాలని ఆసక్తిగా ఉన్నాయి.
అయినప్పటికీ ఇంకా క్లారిటీ లేదు. టీ20 ప్రపంచ కప్ 2024 టైటిల్‌ను భారత్ గెలుపొందడంతో, ఫైనల్‌లో దక్షిణాఫ్రికాను ఓడించి టీమిండియాను విజయపథంలో నడిపిన కోచ్ ద్రవిడ్ వచ్చే నెల నుండి తాను ‘ఉద్యోగం’ లేకుండా ఉంటానని జోక్ చేశాడు. ఎవరైనా ఏమైనా ఆఫర్లిస్తారా అంటూ విలేకరులను ప్రశ్నించాడు. కుటుంబానికి దూరంగా ఉంటూ ఏడాదికి 10 నెలలు ప్రయాణాలు చేయడం ఇష్టం లేని ద్రవిడ్ భారత జట్టు ప్రధాన కోచ్గా కొనసాగడానికి ఇష్టపడలేదు. కానీ, ఇండియన్ ప్రీమియర్ లీగ్ వేరు. T20 లీగ్‌లో, ద్రవిడ్ సంవత్సరానికి 2-3 నెలలు మాత్రమే ఫ్రాంచైజీతో ఉండడంతో ఈ పని చేసేందుకు తాను ఇష్టపడేందుకు మొగ్గు చూపుతున్నట్టు తెలుస్తోంది.
