32 ఏళ్ళ వయసులోనే గర్భాశయ క్యాన్సర్‌తో మరణించిన పూనమ్ పాండే
పూనమ్ పాండే 32 సంవత్సరాల వయస్సులో గర్భాశయ క్యాన్సర్‌తో పోరాడి మరణించింది. పాండే మేనేజర్ మాట్లాడుతూ, నటుడు కొంతకాలం క్రితం భయంకరమైన వ్యాధి చివరి దశలో ఉన్నట్లు నిర్ధారణ అయ్యిందని చెప్పాడు. ‘లాక్ అప్’ అనే రియాల్టీ షోలో చివరిసారిగా కనిపించింది. పూనమ్ మృతితో పలువురు ప్రముఖులు దిగ్భ్రాంతి వ్యక్తం చేశారు. పూనమ్ పాండే తన ఇన్‌స్టాగ్రామ్‌లో బిలియన్లకు పైగా ఫాలోవర్లను కలిగి ఉంది. బోల్డ్ షూట్‌లు, వీడియోలకు ఎంతో క్రేజ్ ఉంది. అయితే ఆమె తరచూ తన వివాదాస్పద వ్యాఖ్యలతో దుమారం రేపుతోంది.సర్వైకల్ క్యాన్సర్‌తో ధైర్యంగా పోరాడి ఆమె మరణించిందని పూనమ్ పాండే బృందం ఒక ప్రకటనలో తెలిపింది. “ప్రియమైన నటి, సోషల్ మీడియా సన్సేషన్ పూనమ్ పాండే, గర్భాశయ క్యాన్సర్ కారణంగా ఈ ఉదయం విషాదకరంగా మరణించారు. చిత్ర పరిశ్రమ ఈ వార్తతో షాక్‌కు గురైందని… శోకంలో ఉందని ఆమె మేనేజర్ నికితా శర్మ తెలిపారు.
గర్భాశయ క్యాన్సర్ గురించి అవగాహన లేకపోవడం వల్లే ఇలా జరుగుతుందంటున్నారు వైద్యులు . యుక్తవయస్సు రాకముందే అమ్మాయిలు టీకా తీసుకుంటే, మొదటి దశలోనే ఈ క్యాన్సర్ నుంచి బయటపడొచ్చంటున్నారు. గర్భాశయ క్యాన్సర్ భారతదేశంలోని మహిళల్లో రెండో అత్యంత సాధారణ క్యాన్సర్. ఫిబ్రవరి 1న విడుదల చేసిన డబ్ల్యూహెచ్‌ఓ నివేదిక ప్రకారం, భారతీయ మహిళల్లో గర్భాశయ ముఖద్వార క్యాన్సర్ కేసులు 17.7 శాతంగా ఉన్నాయి.
