‘ఒక దేశం, ఒకే ఎన్నికలు’ ప్యానెల్కు మాజీ రాష్ట్రపతి నేతృత్వం
‘ఒకే దేశం, ఒకే ఎన్నికలు’ ప్రతిపాదనపై పెద్ద ముందడుగు వేస్తూ, ఈ అంశంపై అధ్యయనం చేసి నివేదిక సమర్పించేందుకు కేంద్రం ఒక కమిటీని ఏర్పాటు చేసింది. ఈ ప్యానెల్కు మాజీ రాష్ట్రపతి రామ్‌నాథ్ కోవింద్ నేతృత్వం వహిస్తారు. సెప్టెంబర్ 18 నుండి 22 వరకు పార్లమెంట్ ప్రత్యేక సమావేశాన్ని కేంద్రం ప్రకటించిన ఒక రోజు తర్వాత ఈ చర్య చేపట్టింది. పార్లమెంట్ సమావేశాలకు సంబంధించిన ప్రకటన వెలువడినప్పటి నుండి, ‘ఒక దేశం, ఒకే ఎన్నికలు’ అనే బిల్లును ప్రవేశపెట్టనున్నట్లు ఊహాగానాలు వస్తున్నాయి. కానీ ప్రభుత్వం నుండి ఇప్పటివరకు ఎవరూ దీనిని ధృవీకరించలేదు.
‘ఒక దేశం, ఒకే ఎన్నికలు’ అనేది దేశవ్యాప్తంగా లోక్‌సభ, రాష్ట్రాల అసెంబ్లీ ఎన్నికలను ఒకేసారి నిర్వహించడాన్ని సూచిస్తుంది. పలువురు బీజేపీ నేతలతోపాటుగా, ప్రధాన మంత్రి నరేంద్ర మోడీ అనేక సందర్భాల్లో ఈ అంశంపై మాట్లాడారు. 2014 లోక్‌సభ ఎన్నికల కోసం పార్టీ మేనిఫెస్టోలో కూడా ఇది ఒక భాగం.1967 వరకు భారతదేశంలో ఏకకాలంలో ఎన్నికలు నిర్వహించడం ఆనవాయితీగా ఉండేది. దేశంలో మొత్తం నాలుగుసార్లు ఈ విధంగా ఎన్నికలు జరిగాయి. 1968-69లో కొన్ని రాష్ట్రాల అసెంబ్లీలు ముందస్తుగా రద్దు చేయబడిన తర్వాత ఈ పద్ధతి ఆగిపోయింది. లోక్‌సభ కూడా మొదటిసారిగా 1971లో షెడ్యూల్ కంటే ఒక సంవత్సరం ముందుగా రద్దు చేయబడింది. దీంతో మధ్యంతర ఎన్నికలు నిర్వహించారు. బీజేపీ 2014 లోక్‌సభ ఎన్నికల మేనిఫెస్టోలో అసెంబ్లీ, లోక్‌సభ ఎన్నికలను ఒకేసారి నిర్వహించే విధానాన్ని రూపొందిస్తామని హామీ ఇచ్చింది.
“నేరస్థులను నిర్మూలించేందుకు ఎన్నికల సంస్కరణలను ప్రారంభించడానికి బీజేపీ కట్టుబడి ఉంది. ఇతర పార్టీలతో సంప్రదింపుల ద్వారా, అసెంబ్లీ, లోక్‌సభ ఎన్నికలను ఒకేసారి నిర్వహించే విధానాన్ని అభివృద్ధి చేయడానికి ప్రయత్నిస్తుంది. ఎన్నికల ఖర్చులను తగ్గించడమే కాకుండా. రాజకీయ పార్టీలు, ప్రభుత్వం రెండింటికీ, ఇది రాష్ట్ర ప్రభుత్వాలకు నిర్దిష్ట స్థిరత్వాన్ని నిర్ధారిస్తుంది. మేము వ్యయ పరిమితులను వాస్తవికంగా సవరించడాన్ని కూడా పరిశీలిస్తాం.” అంటూ బీజేపీ మేనిఫెస్టోలోని 14వ పేజీలో బీజేపీ పేర్కొంది.
