నీతి ఆయోగ్ సమావేశాలకు కేసీఆర్, నితీష్ డుమ్మా

దేశ రాజధానిలోని రాష్ట్రపతి భవన్‌లోని సాంస్కృతిక కేంద్రంలో నీతి ఆయోగ్ ఏడో పాలక మండలి సమావేశానికి ప్రధాని నరేంద్ర మోదీ అధ్యక్షత వహిస్తున్నారు. ఈ సమావేశాలకు తెలంగాణ సీఎం కేసీఆర్, బీహార్ సీఎం నితీష్ కుమార్ గైర్హాజరయ్యారు. ఈ సమావేశాన్ని జూలై 2019 తర్వాత గవర్నింగ్ కౌన్సిల్ తర్వాత మళ్లీ ఇప్పుడు నిర్వహిస్తున్నారు. తెలంగాణ సహా రాష్ట్రాలపై కేంద్రం చూపుతున్న వివక్ష కారణమంటూ తెలంగాణ సీఎం కేసీఆర్.. ప్రధానికి లేఖ రాసి సమావేశానికి దూరంగా ఉన్నారు.

కోవిడ్-19 నుండి ఇప్పుడే కోలుకున్న నితీష్ కుమార్, నెల రోజుల వ్యవధిలో రెండోసారి ప్రధాని కార్యక్రమానికి దూరంగా ఉన్నారు. ఈ సమావేశం జూలై 2019 తర్వాత గవర్నింగ్ కౌన్సిల్ తొలి భేటీ ఇది. NITI ఆయోగ్ అత్యున్నత సంస్థ అయిన కౌన్సిల్‌లో అందరు ముఖ్యమంత్రులు, కేంద్ర పాలిత ప్రాంతాల లెఫ్టినెంట్ గవర్నర్‌లు, పలువురు కేంద్ర మంత్రులు ఉన్నారు. నీతి ఆయోగ్‌కు ప్రధానమంత్రి ఛైర్మన్‌గా వ్యవహరిస్తారు.

నీతి ఆయోగ్ సమావేశం ఎజెండాలో పంటలు, నూనెగింజలు, పప్పుధాన్యాలు, వ్యవసాయ సంఘాలలో స్వయం సమృద్ధిని సాధించడం అంశాలపై చర్చించనున్నారు. జాతీయ విద్యా విధానం-పాఠశాల విద్య అమలు, జాతీయ విద్యా విధానం-ఉన్నత విద్య అమలు, పట్టణ పాలన అంశాలపై కీలక నిర్ణయాలు తీసుకునే అవకాశం ఉంది.