పోలీస్ ఉద్యోగాలకు అర్హులైన అన్నదమ్ములు!!

కుమురంభీం జిల్లాలోని మూడు వేర్వేరు గ్రామాల్లో మూడు కుటుంబాలకు చెందిన ముగ్గురేసి అన్నదమ్ములు పోలీస్ కానిస్టేబుల్ ఉద్యోగాలకు సెలెక్ట్ అయ్యారు. పోలీసు ఉద్యోగాలకు సెలెక్ట్ అయిన సోదరులు

చింతలమానేపల్లి, పెంచికల్‌పేట్: కుమురంభీం జిల్లాలోని మూడు వేర్వేరు గ్రామాల్లో మూడు కుటుంబాలకు చెందిన ముగ్గురేసి అన్నదమ్ములు పోలీస్ ఉద్యోగాలను సాధించారు. చింతలమానేపల్లి మండలం బాబాసాగర్‌కు చెందిన వెన్నంపల్లి శివలింగం- శంకరమ్మ దంపతుల ముగ్గురు కుమారులు ఉపేందర్ (సివిల్), మహేందర్ (సివిల్), విజయ్ (టీఎస్‌ఎస్‌పీ)లు కానిస్టేబుల్ ఉద్యోగాలు సాధించారు. పెంచికల్ పేట్ మండలం చేడ్వాయికి చెందిన మాధవ్-సునీత దంపతుల కుమారులు వెంకటేశ్(టీఎస్ఎస్పీ), కవలలైన రామ్ (ఏఆర్), లక్ష్మణ్ (టీఎస్ఎస్పీ)లు పోలీసు కొలువు సాధించారు. కౌటాల మండలం వీర్దండికి చెందిన అన్నదమ్ములు ఈర్ల వంశీకృష్ణ (టీఎస్ఎస్పీ), శివకృష్ణ (సివిల్), సాయికృష్ణ (ఏఆర్) కానిస్టేబుల్ ఉద్యోగాలకు సెలెక్ట్ అయ్యారు.