ఎంతటివారైనా కఠినంగా వ్యవహరించాలి..
బీఆర్ఎస్ పార్టీపై సీఎం రేవంత్ రెడ్డి చాలా సీరియస్ అయ్యారు. రాజకీయ కుట్రలు సహించేది లేదని తేల్చి చెప్పారు. శాంతి భద్రతలకు భంగం కలిగిస్తే ఎంతటివారైనా కఠినంగా వ్యవహరించాలని సీఎం పేర్కొన్నారు. ఈ మేరకు ఆయన డీజీపీ జితేందర్ కు ఆదేశాలు జారీ చేశారు. హైదరాబాద్ బ్రాండ్ ఇమేజ్ దెబ్బతీసే పనిలో బీఆర్ఎస్ ఉందని ఆయన ఆగ్రహం వ్యక్తం చేశారు. అధికారం కోల్పోయామనే అక్కసుతో ఆ పార్టీ నేతలున్నారని చెప్పారు. ప్రభుత్వాన్ని ఇబ్బంది పెట్టేలా కుట్రలకు తెరలేపుతున్నారని ఫైర్ అయ్యారు. తెలంగాణ, హైదరాబాద్ ప్రతిష్ఠ దెబ్బతీసేలా ప్రవర్తిస్తే చర్యలు తీసుకుంటామని హెచ్చరించారు. పోలీసు యంత్రాంగంతో సమీక్షించాలని డీజీపీని సీఎం ఆదేశించారు.
